nan key thi oo

အတိုက်ခံရတဲ့ အီရတ် စစ်စခန်းက ဟဒီသာ ဆည်အနီးမှာ ရှိတယ်လို့ ဆို။

အီရတ် အနောက်ပိုင်းမှာ IS အစ္စလာမ္မစ် နိုင်ငံအဖွဲ့ စစ်သွေးကြွတွေရဲ့ အသေခံ ဗုံးခွဲ တိုက်ခိုက်မှုကြောင့် အီရတ် စစ်တပ်က ဗိုလ်ချုပ် တစ်ယောက်နဲ့ စစ်သား ၉ ယောက် သေဆုံးသွားတယ်လို့ လုံခြုံရေး သတင်းရပ်ကွက်က ပြောပါတယ်။

ဟဒီသာ မြို့က စစ်စခန်း တစ်ခုထဲကို တနင်္လာနေ့ နှောင်းပိုင်းက စစ်ဝတ်စုံ ဝတ်ထားတဲ့ စစ်သွေးကြွ ၄ ယောက် ဝင်ရောက် နိုင်ခဲ့ပြီးနောက် အသေခံ ဗုံးခွဲ တိုက်ခိုက် ခဲ့ကြတာလို့ ဆိုပါတယ်။

အီရတ်မှာ IS အဖွဲ့ရဲ့ အသေခံ ဗုံးခွဲ တိုက်ခိုက်မှုတွေ ဆက်တိုက် ဖြစ်ပွား နေခဲ့ရာမှာ ဒီတိုက်ခိုက်မှုက နောက်ဆုံး တစ်ခု ဖြစ်ပါတယ်။

တနင်္လာနေ့မှာပဲ အီရတ် အရှေ့ပိုင်းက မုဒါဒီယာ မြို့မှာ ရှီးယား ပြည်သူ့စစ် ခေါင်းဆောင်တွေ တက်ရောက်တဲ့ အသုဘ အခမ်းအနားတစ်ခု ဗုံးခွဲ တိုက်ခိုက် ခံခဲ့ရပြီး အနည်းဆုံး အယောက် ၄၀ သေဆုံး ခဲ့ပါတယ်။

တစ်ခါ ဘဂ္ဂဒက် မြို့က စစ်ဆေးရေး ဂိတ်တစ်ခုမှာ ပေါက်ကွဲခဲ့လို့ လုံခြုံရေး တပ်ဖွဲ့ဝင် ၈ ဦး သေဆုံး ခဲ့ပါတယ်။

တနင်္ဂနွေ နေ့ကလည်း ဆာဒါ မြို့က ရှီးယားတွေ အများစု နေထိုင်ရာ ဒေသက ဈေးတစ်ခုကို စစ်သွေးကြွ နှစ်ယောက်က တိုက်ခိုက်ခဲ့ရာမှာ လူ ၇၀ သေဆုံးခဲ့ရပါတယ်။

BBC Burmese
http://www.bbc.com/burmese

၅၉ (စ) ဆိုင်းငံ့ဖို့ NLD ဘက်က လွှတ်တော်တွင်း တကယ် ဆောင်ရွက်မှာလား မရေရာ။

လက်ရှိ အခြေခံ ဥပေဒပါ သမ္မတ ဖြစ်ခွင့် ကန့်သတ်ချက် ဖြစ်တဲ့ ပုဒ်မ ၅၉ (စ) ပြင်ဆင်ရေးကို အမျိုးသားရေး အမြင် အခြေခံ နဲ့ သဘော မတူ ဘူး ဆိုပြီး ဆန္ဒ ပြ မှု တစ်ရပ် အခုရက်ပိုင်း က ပြုလုပ် လာခဲ့တဲ့ အပေါ် အမျိုးသားဒီမိုကရေစီ အဖွဲ့ချုပ် NLD ပါတီ ဘက်က တုံ့ပြန် လာပါတယ်။

NLD ပါတီ အနေနဲ့ လွတ်လပ်စွာ ဖော်ထုတ်ခွင့် ရှိရမယ် ဆိုတဲ့ အချက် ကို လက်ခံပြီး တချိန်တည်း မှာပဲ ၅၉ (စ) မပြင်ဆင်ရေး ဆိုတဲ့ တောင်းဆို မှု အပေါ် မှာလည်း အလုံးစုံ ငြင်းပယ်တယ် လို့ NLD ပါတီရဲ့ ပြောခွင့်ရ တစ်ဦး ဖြစ်တဲ့ ဦးဉာဏ်ဝင်းက ဘီဘီစီ ကို ပြောပါတယ်။

ပြီးခဲ့တဲ့ တနင်္ဂနွေ နေ့တုန်းက ရန်ကုန် ဗိုလ်စိန်မှန် ကွင်းမှာ ပြုလုပ် ခဲ့တဲ့ ဆန္ဒပြပွဲ မှာတော့ လူ ၄၀၀ ဝန်းကျင်ဟာ ၅၉ (စ) ပြင်ချင် တဲ့သူ နိုင်ငံ က ထွက်သွား ဆိုပြီး ပြင်းပြင်းထန်ထန် ပြောခဲ့ ကြသလို၊ ပြင်ဆင်တာ ဆိုင်းငံ့တာ တွေ ပြုလုပ်လာရင် အမျိုးသားရေး အင်အားစုတွေ နဲ့ ထိပ်တိုက် တွေ့မယ် လို့လည်း ပြောဆို ခဲ့ကြပါတယ်။

အဲဒီ ပုဒ်မ ၅၉ (စ) ဟာ ဒေါ်အောင်ဆန်းစု ကြည် ကို သမ္မတ ဖြစ်ခွင့် မရှိစေဖို့ ပုဂ္ဂိုလ် ရေး အရ ရည်ရွယ် ထားတာ ဖြစ်ပြီး၊ မြန်မာ နိုင်ငံ မှာ ရှိနှင့် ခဲ့ပြီး တဲ့ အခြေခံ ဥပဒေ တွေ အရ ဖြစ်စေ၊ နိုင်ငံတကာ စံညွှန်းစံထားတွေ အရ ဖြစ်စေ မကိုက်ညီဘူး လို့ ဦးဝင်းမြင့် က ပြောပါတယ်။

ဒါပေမယ့် ပုဒ်မ ၅၉ (စ) ဆိုင်းငံ့ရေး ကို NLD ပါတီ ဘက်က လွှတ်တော် ထဲ မှာ တင်လာတော့ မှာလား ဆိုတာ နဲ့ ပတ်သက် လို့တော့ ဦးဉာဏ်ဝင်းက အခု လာမယ့် သီတင်းပတ် တွေ အတွင်း ဘာတွေ ဖြစ်လာမလဲ ဆိုတာ အတိတကျ မသိတဲ့ အတွက် သူ့အနေနဲ့ မပြောနိုင် ဘူးလို့ ဆိုပါတယ်။

သမ္မတလောင်းတွေ အမည်စာရင်းတွေ တင်သွင်းဖို့ မူလ သတ်မှတ် ထားတဲ့ မတ်လ ၁၇ ရက် ကို ပြင်ဆင် ပြောင်းလဲ သတ်မှတ်ဖို့ကို တော့ မတ်လ ၁ ရက် အင်္ဂါနေ့ မှာ ကျင်းပမယ့် ပြည်ထောင်စု လွှတ်တော် အစည်းအဝေး ရဲ့ အစီအစဉ် တွေ ထဲ ထည့်သွင်း ထားရပါတယ်။

သမ္မတလောင်းတွေ အမည်စာရင်း တင်သွင်းမယ့် ရက်ကို မတ်လ ၁၇ ရက် ထက် ပိုစောပြီး ပြောင်းလဲ ပြင်ဆင် လာနိုင်တယ် ဆိုပြီး သုံးသပ်မှု တွေ ထွက်ပေါ် နေတာ ကြောင့် ၊ လွှတ်တော် တွင်း ပုဒ်မ ၅၉ (စ) ဆိုင်းငံ့ရေး ကို NLD ဘက်က တကယ်တမ်း လက်တွေ့ ဆောင်ရွက် လာနိုင်မှု ရှိ မရှိ ဆိုတာ ကလည်း မသေချာ မရေရာ ဖြစ်နေ ပါတယ်။

BBC Burmese
http://www.bbc.com/burmese

NLD ဥက္ကဌ ဒေါ်အောင်ဆန်းစုကြည်နှင့် တိုင်းရင်းသားလွှတ်တော် ကိုယ်စားလှယ်များ တွေ့ဆုံပွဲ (နေပြည်တော်၊ ဖေဖေါ်ဝါရီလ ၂၉ ရက် ၂၀၁၆)

မြန်မာနိုင်ငံမှာ အာဏာလွှဲပြောင်းဖို့ အချိန် (၅)လယူတာဟာ အလွန်ကိုကြာမြင့်လွန်းတယ်လို့ NLD ဥက္ကဌ ဒေါ်အောင်ဆန်းစုကြည်က မနေ့က ဝေဖန်ပြောဆိုလိုက်ပါတယ်။ ဒီလိုကြာတဲ့နိုင်ငံမျိုး ကမ္ဘာမှာမရှိဘူး ဘူးလို့လည်း ၂၀၁၅ ရွေးကောက်ပွဲမှာ အနိုင်ရခဲ့တဲ့ ပါတီပေါင်းစုံက တိုင်းရင်းသားလွှတ်တော်ကိုယ်စားလှယ်တွေနဲ့ ပထမအကြိမ်တွေ့ဆုံပွဲမှာပြောကြားလိုက်တာပါ။

တချိန်တည်းမှာပဲ သမ္မတနဲ့ ဒုသမ္မတနှစ်ဦးရွေးချယ်တင်မြှောက်မယ့်အစီအစဉ်ကို သတ်မှတ်ရက်ထက်စောပြီး ကျင်းပနိုင်တယ်ဆိုတဲ့လွှတ်တော်သတင်းတွေကြောင့် NLD အနေနဲ့ အစိုးရသက်တမ်းအာဏာကို စောစောလွှဲပြောင်းရယူဖို့ ပြင်ဆင် လာတာဖြစ်တယ်လို့ အများက သုံးသပ်နေကြပါတယ်။ မအင်ကြင်းနိုင်ကအပြည့်အစုံကိုပြောပြမှာပါ။

ရွေးကောက်ပွဲအနိုင်ရပါတီကို အာဏာလွှဲပြောင်းချိန်ကြာမြင့်တာနဲ့ပတ်သက်လို့NLD ဥက္ကဌ ဒေါ်အောင်ဆန်းစုကြည်က တိုင်းရင်းသားလွှတ်တော်ကိုယ်စားလှယ်တွေ နဲ့ နေပြည်တော်မှာ မနေ့ တနင်္လာနေ့က တွေ့ဆုံရာမှာ အခုလိုဝေဖန်ပြောကြားသွားပါတယ်။

“ငြိမ်းချမ်းရေးရအောင်လုပ်ဖို့ကာ ကျမတို့အမျိုးသားဒီမိုကရေစီအဖွဲ့ချုပ်က အစိုးရစပြီးထူထောင်တာနဲ့ ငြိမ်းချမ်းရေးဖြစ်စဉ်ကို ကိုင်တွယ်ပါ့မယ်လို့ ပြောထားတဲ့ ကတိအတိုင်းပဲ ကျမတို့လုပ်ပါ့မယ်။ ဒါပေမဲ့ ကျမတို့အဖွဲ့က အစိုးရမဖြစ်သေးဘူးဆိုတာကျမခဏခဏ လူတွေကိုသတိပေးနေတာ။ ဘာလို့လဲဆိုတော့ ဒီနိုင်ငံလောက် အလွှဲအပြောင်းကာလကြာတဲ့နိုင်ငံဆိုတာ ကမ္ဘာမှာမရှိပါဘူး။ ငါးလဆိုတာတခြားဘယ်နိုင်ငံမှမရှိဘူး။ ဒီကြားထဲ ကျမတို့ကို ဟိုဟာမလုပ်သေးဘူးလား၊ ဒီဟာမလုပ်သေးဘူးလား ဆိုတော့ ခပ်ရိုးရိုးပဲပြောရမယ်။ လုပ်ခွင့်မရှိသေးပါဘူးလို့ပြောရမှာပါ။”

ဒီအတောအတွင်းမှာပဲ သမ္မတနဲ့ ဒုသမ္မတတွေ ရွေးချယ်တင်မြှောက်နိုင်ဖို့ လွှတ်တော်မှာ အစည်းအဝေးကျင်းပဖို့ သတ်ထားတဲ့ မတ်လ (၁၇) ရက်နေ့အစား ပြန်ပြီး ပြင်ဆင်သတ်မှတ်မယ့်ရက်ကို ဒီကနေ့ ပြည်ထောင်စုလွှတ်တော်ကကြေညာမှာပါ။ လွှတ်တော်အမတ်အများစုကတော့ ဒီထက်အချိန်စောပြီးကျင်းပဖို့ရှိတယ်လို့ ပြောဆိုနေကြပါတယ်။

ဒါဟာ ဖွဲ့စည်းပုံအခြေခံဥပဒေပုဒ်မ ၅၉ (စ) ကို ဆိုင်းငံပြီး ဒေါ်အောင်ဆန်းစုကြည်ကို သမ္မတ အဖြစ်ရွေးကောက်တင်မြှောက်မယ့်နည်းလမ်းကို NLD ဘက်ကလက်လျော့လိုက်ပြီးနောက် အစိုးရသစ်ကို အမြန်ဆုံးဖွဲ့စည်းနိုင်ရေးနည်းလမ်းကို ဆောင်ရွက်လာတာဖြစ်တယ်လို့ အများကမြင်ကြပါတယ်။

သမ္မတဦးသိန်းစိန် အစိုးရအဖွဲ့ရဲ့ (၅)နှစ်သက်တမ်းဟာလည်း ဖေဖေါ်ဝါရီလ (၄)ရက်နေ့ကတည်းက ကုန်ဆုံးသွားပြီဖြစ်ပါတယ်။ ၂၀၀၈ ဖွဲ့စည်းပုံအခြေခံဥပဒေအရ အစိုးရသက်တမ်းအပြောင်းအလဲနဲ့ပတ်သက်လို့ ဥပဒေပညာရှင် တရားလွှတ်တော်ရှေ့နေကြီး ဦးကိုနီက အခုလိုရှင်းပြပါတယ်။

“တကယ်တမ်းဖွဲ့စည်းပုံအခြေခံဥပဒေမှာ သုံးတာက သက်တမ်းဆိုတဲ့စကားနဲ့သုံးပါတယ်။ အစိုးရဆိုတာက သမ္မတကဖွဲ့ထားတာ။ အစိုးရရဲ့သက်တမ်းဟာ သမ္မတရဲ့သက်တမ်းနဲ့ချိတ်ထားတယ်။ လက်ရှိသမ္မတကြီးဦးသိန်းစိန်ကို တရားဝင်ပြည်ထောင်စုလွှတ်တော်က ရွေးချယ်တင်မြှောက်တာက ဖေဖေါ်ဝါရီ (၄)ရက်နေ့မှာ ရွေးထားတာပါ။ အဲဒါကြောင့်မို့ ဖေဖေါ်ဝါရီ (၄)ရက်နေ့မှာ သူရဲ့သက်တမ်းဟာ (၅)နှစ် စေ့သွားပါပြီ။ သို့သော်လည်းပဲ အစိုးရအဖွဲ့ကျမ်းကျိန်မယ့်ရက်ကရှိနေတယ်။ အဲဒီရက်က မတ်လ (၃၀)ရက်ဖြစ်တဲ့အတွက် အဲဒီနေ့အထိလုပ်လို့ရပါတယ်။ သို့သော်လည်းပဲ ဖွဲ့စည်းပုံပုဒ်မ (၆၁)မှာရေးထားတာက သမ္မတရရဲ့သက်တမ်းဟာ ငါးနှစ်ဖြစ်တယ်။ အဲတော့ သမ္မတရဲ့သက်တမ်းက ငါးနှစ်ဖြစ်ရင် အစိုးရရဲ့သက်တမ်းကလည်း ငါးနှစ်ဖြစ်မယ်။ သို့သော်လည်းပဲ ကန့်သတ်ထားတာကဘာလဲဆိုတော့ အထူးပြဌာန်းချက်ပါတာက နောက်ထပ်အစိုးရသစ်ဖွဲ့စည်း မပြီးသေးတဲ့အချိန်ထိ နိုင်ငံတော်သမ္မတဟာ သူရဲ့လုပ်ငန်းတာဝန်ကိုဆက်ပြီးဆောင်ရွက်ရမယ်လို့ရေးထားပါတယ်။ အဲဒါကြောင့် အစိုးရသစ်ဖွဲ့လို့မပြီးမချင်း တရားဝင်သမ္မတအနေနဲ့ အစိုးရအဖွဲ့ကိုဆက်ပြီးလည်ပတ်စေဖို့က ဦးသိန်းစိန်ရဲ့လုပ်ပိုင်ခွင့်ဖြစ်ပါတယ်။”

လွှတ်တော်ကအတည်ပြုရွေးချယ်မယ့် သမ္မတ အနေနဲ့လည်း သူရဲ့အစိုးရအဖွဲ့ဝင်ဝန်ကြီးတွေကိုခန့်အပ်ဖို့ လွှတ်တော်ရဲ့ အတည်ပြုချက်ယူရမှာဖြစ်တယ်လို့လည်း ဦးကိုနီကပြောပါတယ်။

“တကယ်တော့ ပြည်ထောင်စုလွှတ်တော်က သမ္မတကို တရားဝင်ခန့်အပ်ပြီ၊ အဲဒီသမ္မတကနေ သူရဲ့ဝန်ကြီးအဖွဲ့ကို ဖွဲ့စည်းမယ်၊ အဲဒီမှာလည်း ချက်ချင်းမဖြစ်ဘူး။ လူတွေရွေးပြီးရင် ပြည်ထောင်စုလွှတ်တော်ကိုပြန်တင်ရ တယ်။ ပြည်ထောင်စုလွှတ်တော်က ဒါကိုအတည်ပြုပေးရမယ်။ အတည်ပြုပေးပြီးတဲ့နောက် ခုနက လုပ်ထုံးလုပ်နည်းအတိုင်းပဲ သမ္မတအပါအ၀င် ၀န်ကြီးတွေအားလုံး၊ ရှေ့နေချုပ်အပါအ၀င်၊ ဒုသမ္မတများအပါ အ၀င် ပြည်ထောင်စုလွှတ်တော်နာယကရှေ့မှာ ကျမ်းကျိန်ရမယ်။ အဲဒီကျမ်းကျိန်တဲ့အလုပ်ပြီးတော့မှ တရားဝင်အစိုးရပေါ်ပေါက်တယ်လို့ခေါ်ပါတယ်။ အဲဒီလိုပေါ်ပေါက်ပြီးတော့မှ လုပ်ငန်းတာဝန်တွေကို လွှဲပေးရတယ်။ ပေါ်ပေါက်လာပြီဆိုရင်တော့ လွှဲပေးရတော့မယ်။ မလွှဲပေးဘူးဆိုပြီး ထိန်းချုပ်ထားလို့မရဘူး။ ဖွဲ့စည်းပုံမှာ အဲဒီလိုရေးထားပါတယ်။ ရှင်းပါတယ်။”

လာမယ့်အစိုးရသစ်ကိုဦးဆောင်မယ့် သမ္မတအနေနဲ့ ကျမ်းသစ္စာကျိန်ဆိုမယ့်နေ့ကို ၂၀၁၆ မတ်လ (၃၀)ရက်နေ့အဖြစ် သတ်မှတ်ထားပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com

ကာ့ဒ် သူပုန် တွေ က သူတို့ အနေနဲ့ သိမ်းပိုက် မြေ တွေ ကနေ ဆုတ်ခွာ သွားမှာ မဟုတ်ဘူး လို့ပြော။

ဆီးရီးယား နိုင်ငံထဲ ကာ့ဒ်မျိုးနွယ်စု သူပုန် တွေ လတ်တလော သိမ်းပိုက် ထားတဲ့ နေရာ တွေကို တူရကီ က နှစ်ရက် မြောက် အဖြစ် လက်နက်ကြီး တွေ နဲ့ နယ်စပ် ဖြတ်ကျော် ပစ်ခတ် ခဲ့ ပါတယ်။

ဒီ တိုက်ခိုက်မှု တွေဟာ ဆီးရီးယား ပြည်တွင်းရေးကို တူရကီ က ဝင်ရောက် စွက်ဖက် နေတာ ဖြစ်တယ်လို့ ပစ်မှတ်ထား ခံနေရတဲ့ ကာ့ဒ် သူပုန် တွေ က ပြောသလို၊ သူတို့ အနေနဲ့ သိမ်းပိုက် မြေ တွေ ကနေ ဆုတ်ခွာ သွားမှာ မဟုတ်ဘူး လို့လည်း ဆိုပါတယ်။

တူရကီ ရဲ့ အပြုအမူဟာ ဆီးရီးယား နိုင်ငံရဲ့ အချုပ်အခြာ အာဏာကို ချိုးဖောက် ရာ ရောက်တယ် ဆိုပြီး ဆီးရီးယား အစိုးရ ကလည်း ရှုတ်ချ ခဲ့ပြီး ကုလသမဂ္ဂရဲ့ လုံခြုံရေး ကောင်စီ အနေနဲ့ ဒီ အရေး ကိစ္စ အပေါ် အရေးယူ ပေးပါ လို့လည်း တောင်းဆို လိုက်ပါတယ်။

တူရကီ အစိုးရ နဲ့ရော ဆီးရီးယား ထဲက ကာ့ဒ် တပ်ဖွဲ့ နဲ့ပါ မဟာမိတ် ဖြစ်နေတဲ့ အမေရိကန် ကတော့ အခု ဖြစ်ပေါ် လာနေတဲ့ တင်းမာ မှု တွေ အပေါ် စိုးရိမ် နေပါတယ်။

ဒီအချိန်မှာပဲ၊ ဆီးရီး နိုင်ငံထဲ ကို နိုင်ငံတကာ ကနေ မြေပြင် တပ်တွေ ပါ စေလွှတ် နေရာ ချ ထား လာမယ် ဆိုရင် ဆီးရီးယား ပြည်တွင်းစစ်ဟာ အပြင်းထန်ဆုံး အကြာညောင်းဆုံး လက်နက်ကိုင် ပဋိပက္ခ ဖြစ်လာလိမ့်မယ် ဆိုပြီး အမေရိကန် ကို ရုရှား ဝန်ကြီးချုပ် ဒီမက်ထြီ မက်ဒ်ဗေးဒက်ဗ် က သတိ ပေးလိုက် ပါတယ်။

ဆီးရီးယား ငြိမ်းချမ်းရေး နဲ့ ပတ်သက်ပြီး ကြိုးစား နေသမျှ မအောင်မမြင် ဖြစ်နေဦးမယ် ဆိုရင် ဆီးရီးယား စစ်ပွဲ ထဲ နိုင်ငံခြား တပ် တွေ အခုထက် ပိုပြီး ပါဝင် ပတ်သက် လာနိုင်တယ် လို့ အမေရိကန် နိုင်ငံခြားရေး ဝန်ကြီး ဂျွန်ကယ်ရီ က ပြောဆို ခဲ့တဲ့ အပေါ် ရုရှားက အခုလို တုံ့ပြန် လာတာ ဖြစ်ပါတယ်။

အစောပိုင်းတုန်းကတော့ အမေရိကန် သမ္မတ အိုဘားမားက ရုရှား သမ္မတ ပူတင် ဆီကို တယ်လီဖုန်း ခေါ်ဆိုပြီး ဆီးရီးယား နိုင်ငံထဲက အစွန်းရောက် မဟုတ်တဲ့ အဖွဲ့တွေ ကို ရုရှားက လေကြောင်း တိုက်ခိုက် နေတာ တွေ ရပ်တန့်ဖို့ တိုက်တွန်း ခဲ့ပါ တယ်။

BBC Burmese
http://www.bbc.com/burmese

မလေးရှားနိုင်ငံမှာ တနှစ်ကျော်ကြာ ပိတ်ပင်ထားတဲ့ ကျွမ်းကျင်ရွေ့ပြောင်း အလုပ်သမားများ ပြန်လည် ခန့်အပ်ရေး အစီအစဉ်ကို အခု အလုပ်ရှင်အများအပြားရဲ့ တောင်းဆိုမှုတွေကြောင့် ဖေဖေါ်ဝါရီလ ၁၅ ရက်၊ တနင်္လာနေ့က စတင်ပြီး ပြန်လည် လုပ်ဆောင်ပေးတော့မှာ ဖြစ်ပါတယ်။ အပြည့်အစုံကို ဆက်သွယ်မေးမြန်းထားတဲ့ မအေးအေးမာက ပြောပြပေးမှာပါ။

မလေးရှားနိုင်ငံမှာ တရားမ၀င်နေထိုင်နေကြတဲ့ မြန်မာအလုပ်သမားတွေအတွက် သတင်းကောင်း တခုဖြစ်တဲ့ ကျွမ်းကျင်တဲ့ အလုပ်သမားတွေ ပြန်လည်ခန့်အပ်တဲ့ အစီစဉ်ကို ဖေဖေါ်ဝါ၇ီလ ၁၅ ရက်နေ့မှာ စတင်တော့မှာ ဖြစ်ကြောင်း မလေးရှားအစိုးရက တနင်္ဂနွေနေ့မှာ သတင်းထုတ်ပြန် ခဲ့တာပါ။ မလေရှားနိုင်ငံမှာ တနှစ်ခွဲနီပါးကြာ ရပ်နားထားတဲ့ အလုပ်လုပ်ခွင့် ပါမစ်တွေကို မလေးရှား အစိုးရက ပြန်ပြီး ထုတ်ပေးတော့မဲ့အခြေအနေကို မလေးရှားနိုင်ငံရောက် မြန်မာအလုပ်သမားတဦးက အခုလိုရှင်းပြပါတယ်။

“ဒီလ ၁၅ ရက်နေ့ကစပြီး စပေးတော့မှာ ။ ၁၅ ရက်နေ့ကစပြီး လျှောက်လို့ရပြီအမ။ ၂၀၁၄ အောက်တိုဘာတုန်းက ပိတ်ထားတာလေ။ အခုပြန်ဖွင့်တာ ၃ လအတွင်းပြန်လုပ်ရမယ်လို့ ပြောထားတယ်အမ ။ ပါမစ်မရှိတဲ့လူတွေကို ပါမစ်ပြန်ပေးမယ်။ ၃ လအတွင်းပြန်လုပ်ပေါ့ ။ တချို့ကုမ္ပဏီကလည်း ပြန်ဖွင့်ထားတယ်ပေါ့။ လူလိုတဲ့ ကုမ္ပဏီတွေကိုလည်း ပါမစ်ပေးဖို့ ပြန်ဖွင့်ထားတယ်။ အခုကျနော်တို့ ကုမ္ပဏီမှာလည်း ဒီအတိုင်းပဲ။ နှစ်ချို့သမားတွေ ပြန်ချင်တဲ့လူရှိတယ်။ မပြန်ချင်တဲ့လူတွေဆိုရင် ပြန်လျှောက်ပေးမယ်လို့ပြောထားတယ်။ အခု ကျနော်တို့ တခြားနိုင်ငံကလူတွေကို သိပ်မခေါ်တော့ဘူး။ ဒီမှာရှိတဲ့လူမှန်သမျှကိုသူက ပြန် rotate လုပ်ချင်တဲ့ပုံစံမျိုးပေါ့။ လူသစ်မခေါ်တော့ဘူး အဲလိုမျိုးပုံစံနဲ့။”

ကျွမ်းကျင်တဲ့ အလုပ်သမားတွေကို ပြန်လည်ခန့်အပ်တဲ့ အစီစဉ်အရ ပါမစ်ရပြီဆိုရင် အချိန်နဲ့ လုပ်ရတာ အခွန်တွေပေးဆောင်ရတာတွေ ရှိတယ်လို့လည်းဆက်ပြောပြပါတယ်။

“ပါမစ်ကတော့ time to time ပေါ့။ သူ့ရဲ့ time table နဲ့ဆင်းရတာပေါ့။ OT ရှိရင်ရှိတယ်၊ OT မရှိရင်မရှိဘူး။ ပြီးတော့ living စားရိတ်တွေဖြတ်မယ်၊ ၀န်ဆောင်ခတွေ၊ ရေဖိုးမီးဖိုးတွေဖြတ်မယ်။ အဲဒါတွေအများကြီးရှိတာပေါ့။ သူဌေးနဲ့ဆိုင်တယ်။ တချို့မြန်မာတွေများသောအားဖြင့်က သူတို့ မှာ အရင်က passport တွေအကုန်လုံး လုပ်ထားကြတာလေ။ လုပ်ထားတော့ သူတို့က ၀င်ချင်တဲ့ ကုမ္ပဏီကို ၀င်တယ်။ အဲဒီက permit job ထုပေးတယ်။ အဲဒီမှာ လုပ်ပြီးတော့ မကြိုက်ဘူးဆိုရင် နောက်အဲလိုမျိုးအလုပ်ပြောင်းပေါ့ အမ။”

မိမိနှစ်သက်ရာ ကုမ္ပဏီကိုပြောင်းရွေ့လုပ်ချင်တဲ့သူတွေရှိကြသလို တချိုကတော့ ကုမ္ပဏီတခုကနေ သတ်သတ်မှတ်မှတ် အလုပ်ခန့်အပ်တာမျိုးကို ကြိုက်နှစ်သက်တာ တွေရှိကြတယ်လို့ ဆိုပါတယ်။ မကြာသေးခင်တုန်းကတော့ မလေးရှား အစိုးရက နိုင်ငံခြားသား အလုပ်သမားခွန်ဖြစ်တဲ့ (levy) ကြေးကို ၂ ဆ ကောက်ခံလိုက်တဲ့အတွက် အလုပ်ရှင်တွေကော အခြေခံ အလုပ်သမား အတော်များများအတွက်ပါ အခက်တွေ့ကြုံရတဲ့အတွက် ကန့်ကွက် ဝေဖန်မူတွေရှိတာကြောင့် ဒီအစီစဉ်ကိုတော့ ပြီးခဲ့တဲ့ ကြာသပတေးနေ့က ခေတ္တရပ်နားထားပြီး မကြာခင်မှာတော့ ထုတ်ပြန်သွားဖို့ရှိတယ်လို့ ဆိုပါတယ်။

နိုင်ငံခြားသားအလုပ်သမားခွန်ဟာ တခြားအလုပ်သမားတွေအတွက် အခက်အခဲ ရှိတယ်လို့လည်း ဆက်ပြောပြပါတယ်။

“လစာနဲ့လည်းမကိုက်ဘူးလေ။ တကယ်လို့ သူတို့ တလ ရဲ့လစာက basic ၉၀၀ ဆိုရင် နေစရိတ်က ၁၄၀ ဖြတ်တယ်။ တကယ်လို့ နောက်ထပ် ၁၅ ရက်ပြီးသွားရင် တလကို ၂၀၈ ကျပ်ဖြတ်မှာ။ ဒါကြောင့်လစာနဲ့မကိုက်တော့ဘူး။ ကုမ္ပဏီတွေက အဲဒီလို complaine လုပ်ပြီး ရပ်ဆိုင်းလိုက်တာ အဲဒီလိုမျိုးပုံစံနဲ့ ။”

ပြီးခဲ့တဲ့ လပိုင်းတုန်းကပဲ မလေးရှားကို သွားမဲ့သူတွေအတွက် ဗီဇာကြေးကို အရင်ကထက် ၁၀ တိုး ကောက်ခံလိုက်တဲ့အတွက် မလေးရှားကို အလုပ်သမား တင်ပို့နေတဲ့ ကုမ္ပဏီတွေကြားမှာလည်း ကန့်ကွက်ဆန္ဒပြမဲ့ အခြေအနေအထိ မကျေလည်မူတွေ ဖြစ်ခဲ့ကြပါတယ်။

လက်ရှိမှာတေ့ာ မလေးရှားမှာ တရားမ၀င်နေထိုင်နေတဲ့ မြန်မာတွေအတွက် မြန်မာသံရုံးက နေရပ်ရင်းပြန်နိုင်ဖို့အတွက် စီအိုင်လို့ခေါ်တဲ့ မည်သူမည်ဝါဖြစ်ကြောင်း သက်သေခံစာအုပ်တွေ ထုတ်ပေးနေပြီး၊ တချို့ကိုလည်း နေရပ်ရင်းကို ပြန်လည်ပို့ဆောင်ပေးနေပါတယ်။

မအေးအေးမာ / ဗွီအိုအေ (မြန်မာပိုင်း)