ကရင်ပြည်နယ်၊ မြဝတီမြို့၊ ကလိုထူးဘော စစ်ဌာနချုပ် (ဆုံဆည်းမြိုင်) သို့ ဗိုလ်ချုပ်ကြီး စောလားပွယ် (ခ) ဗိုလ်နှုတ်ခမ်းမွှေး ၏ ဖိတ်ကြားချက် အရ နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူ နှင့် နိဝင်ဘာ၂၄ ရက်နေ့ နေလည်(၁၂းဝဝ) နာရီအချိန်တွင်တွေ့ဆုံ၍ ဒေသအတွင်းလူမှုရေးလုပ်ငန်းများ
လုပ်ဆောင်ရန်အတွက် ဆွေးနွေးမှုများ ပြုလုပ်ခဲ့ကြောင်း နာရေးကူညီမှုအသင်း-ရန်ကုန်မှသိရသည်။ D.K.B.A ကလိုထူးဘော
စစ်ဌာနချုပ် ဦးစောလာပွယ် (မိသားစု) နှင့် အရာရှိ၊ အရာခံ၊ အကြပ်စစ်သည်များ
တို့မှ စုပေါင်း၍ နာရေးကူညီမှု အသင်း(ရန်ကုန်) အတွက် အလှူငွေ ၃ဝဝဝဝဝဝိ/- (သိန်းသုံးဆယ်) ကျပ်တိတိအား လှူဒါန်းပေးအပ် ခဲ့ရာ ဥက္ကဋ္ဌ ဦးကျော်သူမှ လက်ခံရယူခဲ့ကြောင်းသိရသည်။

ဖက်ဒရယ်ပြည်ထောင်စု ဖြစ်လာပါက ဖက်ဒရယ် ပြည်ထောင်စုနှင့် ညီညွတ်သည့် ဖွဲ့စည်းပုံ အခြေခံဥပဒေနှင့် တပ်မတော်ဆိုသည့် အချက်များ ဖြစ်လာမည်ဟု ၀န်ကြီးဦးအောင်မင်း ပြောကြား

ဖက်ဒရယ်ပြည်ထောင်စု ဖြစ်လာပါက ဖက်ဒရယ် ပြည်ထောင်စုနှင့် ညီညွတ်သည့် ဖွဲ့စည်းပုံ အခြေခံဥပဒေ၊ ဖက်ဒရယ်ပြည်ထောင်စုနှင့် ညီညွတ်သည့် တပ်မတော်ဆိုသည့် အချက်များ ဖြစ်လာမည်ဟု သမ္မတရုံး ၀န်ကြီးဌာန ပြည်ထောင်စုဝန်ကြီး ဦးအောင်မင်းက နိုဝင်ဘာ ၁၀ ရက်က ရန်ကုန်မြို့၌ ပြုလုပ်သော ပြည်ထောင်စု ၀န်ကြီးများနှင့် နိုင်ငံရေး ပါတီများ၏ တွေ့ဆုံဆွေးနွေးပွဲတွင် ပြောကြားသည်။

အဆိုပါ ဆွေးနွေးပွဲတွင် ပြည်ထောင်စုဝန်ကြီး ဦးအောင်မင်းက အစိုးရအဖွဲ့နှင့် တိုင်းရင်းသား လက်နက်ကိုင် အဖွဲ့များ၏ ငြိမ်းချမ်းရေး ဆွေးနွေးမှု အခြေအနေများအား နိုင်ငံရေးပါတီများအား ရှင်းလင်းပြောကြားရာတွင် ယခုကဲ့သို့ ပြောကြားခဲ့ခြင်း ဖြစ်သည်။

အစိုးရနှင့် တိုင်းရင်းသား လက်နက်ကိုင်များအကြား ဆွေးနွေးရာတွင် ဖက်ဒရယ် ပြည်ထောင်စုနှင့် ပတ်သက်သည့် အကြောင်းအရာများကို ဆွေးနွေးခွင့် ပေးထားပြီး ဖြစ်သည်ဟု ၀န်ကြီးဦးအောင်မင်းက ပြောကြားသည်။ ပြည်ထောင်စုဝန်ကြီး ဦးအောင်မင်းက ''တိုင်းရင်းသားတွေ တင်ပြတဲ့အချက် ၁၀ ချက်မှာ အရေးကြီးဆုံးက ဖက်ဒရယ်ပဲ။ ဖက်ဒရယ် ပြည်ထောင်စုကို ဆွေးနွေးလို့ ဖက်ဒရယ် ပြည်ထောင်စု ဖြစ်လာရင် ဖက်ဒရယ်နဲ့ ညီညွတ်တဲ့ ဖွဲ့စည်းပုံ အခြေခံဥပဒေတို့ ဖက်ဒရယ်ပြည်ထောင်စုနဲ့ ညီညွတ်တဲ့ တပ်မတော်တို့ဆိုတာ ဖြစ်လာမယ်။ ဒါကြောင့်မို့ အဓိကအချက် ဖက်ဒရယ်ကို ခွင့်ပြုထားတာ ဖြစ်တဲ့အတွက် ဘာမှပြောနေစရာ မရှိဘူး။ အခက်အခဲ မရှိဘူးဆိုတာကို ကျွန်တော်တို့ တွေ့ရပါတယ်'' ဟု ပြောကြားသည်။

တိုင်းရင်းသား လက်နက်ကိုင် အဖွဲ့များ၏ လိုင်ဇာဘုံသဘော တူညီချက် ၁၁ ချက်တွင် ဖက်ဒရယ် ပြည်ထောင်စု တည်ဆောက်ရန် အပါအ၀င် အုပ်ချုပ်ရေး၊ စီးပွားရေးဆိုင်ရာ အာဏာခွဲဝေ သုံးစွဲရေး အချက်အလက်များ ပါဝင်ကြောင်း သိရပြီး အဆိုပါ တိုင်းရင်းသားများ၏ ဘုံသဘော တူညီချက်ကို နိုဝင်ဘာ ၄ ရက်နှင့် ၅ ရက်များတွင် မြစ်ကြီးနားမြို့၌ ပြုလုပ်ခဲ့သည့် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် တိုင်းရင်းသား လက်နက်ကိုင် အဖွဲ့များ၏ ဆွေးနွေးပွဲတွင် အစိုးရဘက်သို့ တရားဝင် ပေးအပ်ခဲ့သည်။

နိုင်ငံရေး ဆွေးနွေးပွဲများ ပြုလုပ်ပါကလည်း ကန့်သက်ချက်များစွာ မရှိကြောင်း၊ မြန်မာနိုင်ငံတော်မှ ခွဲမထွက်ရ ဟူသည့် အချက်နှင့် မြန်မာနိုင်ငံ၏ အချုပ်အခြာ အာဏာကို ထိပါးစေသည့် အကြောင်းအရာများ မလုပ်ရဟူသည့် အချက်နှစ်ချက်မှလွဲပြီး ကျန်သည့်အချက်များကို ဆွေးနွေးနိုင်ကြောင်း နိုင်ငံတော် သမ္မတက ပြောကြားထားသည်ဟု ပြည်ထောင်စုဝန်ကြီး ဦးအောင်မင်းက ပြောကြားသည်။

ယခုနှစ် ဒီဇင်ဘာလအတွင်း ကရင်ပြည်နယ် ဘားအံမြို့တွင် ပြုလုပ်မည့် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် တိုင်းရင်းသား လက်နက်ကိုင် အဖွဲ့များ၏ ငြိမ်းချမ်းရေး ဆွေးနွေးပွဲကို အောင်မြင်အောင် ဆောင်ရွက်သွားမည်ဟုလည်း ပြည်ထောင်စုဝန်ကြီး ဦးအောင်မင်းက ပြောကြားသည်။

ဖြေ။  ။ အဲဒါက ရှင်းရှင်းလေးပါ။ နိုင်ငံတော်ကာကွယ်ရေးဆိုတာက တနိုင်ငံလုံး အတိုင်းအတာနဲ့ ပြည်ပရန်ကို ကာကွယ်တာကို နိုင်ငံတော် ကာကွယ်ရေး တာဝန်လို့ ပြောတာပါ။ နိုင်ငံတော်အတွင်းမှာ ဆောင်ရွက်နေတဲ့ လုံခြုံရေးဟာ နိုင်ငံတော် လုံခြုံရေးပါ။ ဒါကို ဆိုလိုတယ်။ ခု တပ်မတော်ဟာ တနိုင်ငံလုံး အတိုင်းအတာကို ကာကွယ် တာဝန်ယူရတာပါ။ တပ်မတော်ဟာ ရှမ်းပြည်မှာ မပါဘူးလို့ ပြောလို့မရဘူး။ ကချင်မှာမပါဘူး ပြောလို့မရဘူး။ ဒီတော့ တပ်မတော်သည် နိုင်ငံတော်ကို ကိုယ်စားပြုတာပါ။ ဒီတော့ ဒီနိုင်ငံမှာနေတဲ့ ပြည်သူ၊ နောက် ဒီနိုင်ငံသတ်မှတ်ချက်တွေအရ သတ်မှတ်ထားတဲ့နိုင်ငံကို တပ်မတော်က ကာကွယ်တယ်။ ဒီတော့ ကာကွယ်ရတဲ့ တပ်မတော်မှာ သူ နိုင်ငံသတ်မှတ်ချက်၊ အခြေအနေအရ သူ လုပ်ဆောင်ရတဲ့အချက်ကို သူ လုပ်ရတာပါ။ ဒါက ဒီနိုင်ငံမှာမှ မဟုတ်ဘူး။ နိုင်ငံတိုင်းမှာ သုံးပါတယ်။
မေး။  ။ ဘယ်လိုအခြေအနေမျိုးမှာ အခြေအနေအရ လှုပ်ရှားမယ်လို့ သတ်မှတ်ထားပါသလဲ။ တချိန်က ဒီစကားတွေကြောင့် ဒုက္ခတွေ တော်တော်ရောက်ဖူးထားပြီ ဆိုတော့ ပြည်သူတွေက ဒီအချက်ကို ကွဲကွဲပြားပြား သိချင်နေတယ်။
ဖြေ။  ။ ဒါက ခုနကပြောသလိုပဲ။ နိုင်ငံကို တဖက်နိုင်ငံတွေရဲ့ရန်ကနေ ကာကွယ်ဖို့ လုပ်ဆောင်တာတွေမှာ သုံးပါတယ်။ နောက် နိုင်ငံတော်ကို ထိပါးနှောက်ယှက်သော အချုပ်အခြာအာဏာကို ပျက်ဆီးစေနိုင်သော အချက်တွေအတွက် ကြုံလာရင် သုံးကြပါတယ်။ ဒီအတွက် မလိုအပ်ရင် မသုံးပါဘူး။ တပ်မတော်က နိုင်ငံတော် ကာကွယ်ဖို့ အတွက်ပါ။ ဖျက်ဆီးဖို့အတွက် သုံးနေတာ မဟုတ်ပါဘူး။
မေး။  ။ အပစ်ရပ်နယ်မြေအတွင်း နယ်ဘက်အုပ်ချုပ်ရေး ကိစ္စရပ်များမှာ ဥပဒေနှင့်အညီ ပါဝင်ပူးပေါင်းရန် ဆိုတဲ့အချက်က တိုင်းရင်းသားတွေကို အုပ်ချုပ်ရေးပိုင်းမှာ ပါဝင်ခွင့်ပြုတာလား။
ဖြေ။  ။ နယ်ဘက်အုပ်ချုပ်ရေးကိစ္စတွေက အထွေထွေ အုပ်ချုပ်ရေးဌာန လုပ်ငန်းတွေပေါ့။ ဥပမာဆို လဝကဆိုင်ရာ လုပ်ငန်းတွေ၊ အကောက်ခွန်ဆိုင်ရာ လုပ်ငန်းတွေကို ဆိုလိုတာပေါ့။ ဒီမှာ လိုအပ်သလို ပူးပေါင်းဆောင်ရွက်ပေးဖို့အတွက် ပေးထားတာပါ။ ဝင်ရောက်စွက်ဖက်တာတွေ မရှိအောင်ပေါ့။ ဥပမာဆိုရင် ဥပဒေနဲ့အညီ ချမှတ်ထားတဲ့ အခွန်အကောက်တွေမှာ သူကတော့ပေး၊ ငါတို့ကတော့ မပေးရဘူးဆိုတဲ့ဟာတွေ မရှိအောင် ဒီအချက်ကို ထည့်သွင်းထားတာပါ။
မေး။  ။ လက်မှတ်ရေးထိုးစဉ်ကာလရှိ လက်နက်ခဲယမ်းနှင့် တပ်အင်အားကို အပစ်အခတ်ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီသို့ တင်ပြရမယ် ဆိုတဲ့အချက်က တိုင်းရင်းသားတွေ လက်ခံနိုင်မလား။ ဒါက ငြိမ်းချမ်းရေးအတွက် ဝေးစေမယ်ဆိုတဲ့ အချက်လို့ ပြောနေတဲ့အပေါ် ဘယ်လိုများ သဘောထားပါသလဲ။
ဖြေ။  ။ ဒါက ကိုယ်တို့ တနိုင်ငံတည်း ကျင့်သုံးတာ မဟုတ်ဘူး။ ကမ္ဘာမှာ ကျင့်သုံးနေတာတွေပဲ။ ဒီပေါ်မှာ ထွင်လုပ်တာတွေ မရှိဘူး။ သီရိလင်္ကာပဲ ကြည့်ကြည့်၊ နီပေါပဲ ကြည့်ကြည့် ဒီလိုပဲ လုပ်ခဲ့တာပဲ။ အဲဒီမှာ လုပ်ခဲ့တဲ့လမ်းစဉ်တွေအတိုင်း လုပ်ခဲ့တာပါပဲ။ အရင်က လက်နက်နဲ့ငြိမ်းချမ်းရေး လဲတာမှာ ဒီလိုတွေ မလုပ်ခဲ့လို့၊ တိတိကျကျ မရှိခဲ့လို့ အနေအထားတွေက ပြန်ပြန် တပတ်လည်နေတာပေါ့။ ဒီလို မဖြစ်ဖို့အတွက်ဆိုရင် တိတိကျကျ သွားမယ်။ နောက်ပိုင်း တိတိကျကျဖြစ်လာအောင် လုပ်လာတာပေါ့။
မေး။  ။ တိုင်းရင်းသားတွေမှာ ကိုယ်စီတပ်မတော်ဆိုတာရှိတော့ သူတို့ လက်နက် ဆက်ကိုင်ချင်တယ်ဆို တပ်မတော်အနေနဲ့ ဘယ်လိုမျိုး လုပ်ဆောင်ပေးမယ်လို့ စိတ်ကူးထားပါသလဲ။
ဖြေ။   ။ တပ်မတော်မှာ တပ်မတော်စည်းမျဉ်း စည်းကမ်းဆိုတာ ရှိပါတယ်။ တပ်ထဲကိုဝင်ချင်ရင် တပ်သားစုဆောင်းရေးက စပြီးတော့ တပ်သားသစ်၊ တပ်ထဲကို ရောက်လာတဲ့ ရဲဘော်စသည်ဖြင့် စစ်မှုစည်းကမ်းတွေရှိတယ်။ အဲဒီစည်းမျဉ်းတိုင်း သွားရမယ်။ တိုင်းရင်းသားလက်နက်ကိုင်တွေ ဝင်မယ်ဆိုလည်း စစ်မှုစည်းကမ်းအတိုင်း သူတို့တွေ လိုက်နာသွားရမှာပါ။ အဲဒီအတိုင်း ခွင့်ပြုမှာပါ။ အဲဒီအတိုင်း လုပ်နိုင်မယ်ဆို ရမယ်။ အဲဒါကို ကျော်လွန်ပြီးတော့ကိုတော့ လုပ်လို့လည်းမရဘူး။ သူတို့ ရပ်တည်ခွင့်နဲ့ပတ်သက်ပြီးတော့လည်း ရေးဆွဲထားတဲ့ သဘောတူညီချက်မှာ ပါဝင်ပြီးသားပါ။
မေး။  ။ သူတို့ တောင်းဆိုတဲ့ ဖက်ဒရယ်တပ်မတော်ဆိုတာကိုရော။
ဖြေ။  ။ သူတို့တွေအနေနဲ့ စပြီး ဒီကပေးထားတဲ့ သဘောတူညီချက်မှာပါတဲ့ အပစ်ရပ် တိုင်းရင်းသား လက်နက်ကိုင်အဖွဲ့များ၏ တာဝန်များဆိုတာကို သူတို့အနေနဲ့ ဆွေးနွေးရမှာပါ။ တပ်နေရာချတာတွေကို သတ်မှတ်ပေးမယ်။ သူတို့ကို လုပ်ဆောင်ခွင့်ပေးထားတဲ့အတိုင်း လုပ်ခွင့်ပေးမှာပါ။ ကန့်သတ်တာတွေ၊ ချုပ်ချယ်တာတွေ မလုပ်တဲ့စည်းမျဉ်းတွေ ပေးထားတယ်။ သူတို့ ဆွေးနွေးနိုင်တယ်။ တပ်မတော်ထဲကို ဒီအတိုင်း ပါဝင်ချင်လို့ ပါဝင်လို့ မရနိုင်ဘူး။ တပ်မတော်အစိတ်အပိုင်းတခုလို ကချင်ကလည်း ကချင်တပ်၊ ကရင်ကလည်း ကရင်တပ်ဆိုသလို ရှိနေလို့တော့ မရဘူး။ ကမ္ဘာမှာလည်း မရှိဘူး။ အဲဒီအတိုင်း တောင်းဆိုနေလို့ကတော့ မရဘူး။ ဘယ်သူက သဘောတူမလဲ။ ကမ္ဘာမှာလည်း စည်းမျဉ်းစည်းကမ်းတွေ ရှိတာပဲလေ။ မဖြစ်နိုင်တာကို တောင်းဆိုနေရင်တော့ ငြိမ်းချမ်းရေးက မဖြစ်ဖို့ဘဲ ရှိတာပေါ့။
ဒါပေမယ့် သဘောတူညီချက်မှာ သတ်မှတ်နေရာမှာ လက်နက်ကိုင်ခွင့် ဆက်လက် ခွင့်ပြုပေးထားတယ်။ ဆိုလိုတာက နောက်ပိုင်း ဒီထဲမှာ နိုင်ငံရေးပါတီတွေ ထောင်လာမယ်။ တဆင့်ပြီးတဆင့် ဖြစ်လာအောင် လုပ်ပေးတဲ့သဘော လုပ်ဆောင်ပေးမှာပါ။ သူတို့နေရာတွေ ဥပမာ လိုင်ဇာပေါ့၊ KI Oကို ခင်ဗျားတို့ လိုင်ဇာမှာ မနေနဲ့၊ လက်နက်အပ်ပါ ဆိုတာမျိုး လုပ်မသွားဘူး။ ရှိနေမှာဘဲ။ သူတို့ဆီမှာ သူတို့သတ်မှတ်တဲ့ လက်နက်ခဲယမ်းတွေ ဘယ်လောက်ရှိလဲ စာရင်းနဲ့ တင်ပြခိုင်းတာကလည်း သိမ်းဖို့လည်း မဟုတ်ဘူး။ ဖြုတ်လည်း မဖြုတ်သိမ်းခိုင်းဘူး။ နောက် သူတို့အုပ်ချုပ်မှုပိုင်းကအစ သူတို့လိုအပ်တာကို လုပ်ပေးရမယ်။ ဒီလိုအချက်တွေ ပါတယ်။ လုပ်ပေးမှာပဲ။ ဒါတွေက အလိုက်လျောနိုင်ဆုံး လုပ်ပေးထားတာတွေပါ။
မေး။  ။ ဗိုလ်ချုပ်ပြောတဲ့အတိုင်းဆို တပ်မတော်သည် တခုပဲ ရှိမယ်။ တိုင်းရင်းသားတွေမှာလည်း ကိုယ်စီတပ်မတော် ထားရှိစေမယ်ဆိုတဲ့ သဘောလား။
ဖြေ။  ။ ဒါက လက်ရှိ သူတို့ သတ်မှတ်တဲ့နေရာတွေ ရှိတယ်။ ဒါတွေကိုတော့ ရှိနေဦးမယ်။ တဖြေးဖြေးချင်း သူတို့ကို နိုင်ငံရေးလမ်းစဉ်ထဲ ရောက်ပြီး လက်နက်တွေစွန့်တဲ့အထိ အစိုးရက လုပ်ဆောင်ပေးမှာပဲ။ တဖြေးဖြေးနဲ့ စွန့်လွှတ်သွားအောင် လုပ်မှာပဲ။ အပစ်အခတ်ရပ်စဲရေးတွေ လုပ်ထားတဲ့အဖွဲ့တွေ ရှိတယ်။ သူတို့ကို လက်နက်ဖြုတ်ပါလို့ မပြောဘူး။ ဒီလိုဆို စစ်တွေ ပြန်ဖြစ်လာမှာပေါ့။ ဒါ့ကြောင့် တဖြေးဖြေး ယုံကြည်လာရင် သူတို့လည်း လက်နက်စွန့်လာမှာပေါ့။
မေး။  ။ဒါဆို တိုင်းရင်းသားတွေဘက်က နိုင်ငံတော်ကာကွယ်ဖို့ ပြည်ထောင်စု တပ်မတော်လိုလားတယ်ဆိုရင် ဒီပေါ်မှာ တပ်မတော်အနေနဲ့ ဘယ်လိုအဖြေပေးမလဲ။
ဖြေ။  ။ ဒါကိုပြောရရင် တပ်မတော်က ဒီနေ့ကောက်ဖွဲ့ ပြန်ပြင် လုပ်လို့ရတဲ့အရာ မဟုတ်ဘူး။ အဲလို လုပ်လို့လည်း မရဘူး။ ကိုယ်တို့လည်း သတ်မှတ် တပ်မတော်စည်းမျဉ်းအတိုင်း လုပ်ဆောင်ပြီး ဝင်ခဲ့ရတာပဲ။ အဲဒါကို တပ်မတော်ကာကွယ်ရေးဦးစီးချုပ်ကိုယ်တိုင် ခင်ဗျားတော့ တပ်ထဲဝင် ဒါဆို ကျုပ် ဗိုလ်မှုးကြီးတန်းပေးမယ် သူကပြောလည်း လုပ်လို့မရဘူး။ စည်းမျဉ်းတွေရှိတယ်။ ပြည်ထောင်စု တပ်မတော်ဆိုပြီး ကရင်ကလည်း ကရင်တပ်မတော်၊ ကချင်ကလည်း ကချင်တပ်မတော်ဆိုပြီး လုပ်လို့မရဘူး။
မေး။  ။ ဒါဆို လာမယ့် ဘားအံမှာ လုပ်မယ့် အစည်းအဝေးမှာများ တိုင်းရင်းသားတွေ ဒါကို တောင်းဆိုလာမယ်ဆို ဗိုလ်ချုပ်တို့ တပ်မတော်ပိုင်းက ဘယ်လိုတုံ့ပြန်မှာလဲ။
ဖြေ။  ။ ဒီနေ့တွေ့တဲ့ချိ်န်မှာလည်း သူတို့ဘက်က ဒါကိုပြောတာ မရှိပါဘူး။ မီဒီယာကပဲ ပြောနေတာတွေ ရှိတယ်။ ပြောလာလည်း ဒီသဘောထား မှတ်ချက်ကတော့ ပြောင်းဖို့ မရှိပါဘူး။ ပြည်ထောင်စုတပ်မတော်ကိစ္စ ဆွေးနွေးလာလည်း နဂိုထဲက တပ်မတော်သဘောထား သူတို့သိပါတယ်။ နောက် နိုင်ငံတကာ အတွေ့အကြုံတွေ ရှိသူတွေပါ။ သူတို့ သဘောပေါက်ကြပါတယ်။ ကြက်တူရွေးက တော်တော် မယ်ဘော်ကကဲ ဆိုသလို ညည်းတို့ ဧရာဝတီက တော်တော် စိတ်ပူနေတယ်။ ဆွေးနွေးတဲ့အပိုင်း ရှိလာလည်း သူတို့အပိုင်းပဲလေ။ တပ်မတော်ကို ဖြိုခွဲလို့လည်း မရဘူး။ တပ်မတော်ကို ပြိုကွဲစေချင်လို့လည်း မရဘူး။ ဦးနိုင်ဟံသာတို့၊ ဦးဂွမ်မော်တို့၊ ဦးမူတူးစေးဖောတို့ နားလည်တယ်။ နားမလည်တာက အောက်ခြေက လူတွေပဲ ရှိနိုင်မယ် ထင်တယ်။ ဒါက လုပ်ငန်းသဘောကို မသိလို့ဘဲ နေမယ်။ မူဝါဒမရှိဘဲ လုပ်လို့ ရမလား။ တပြည်ထောင်စနစ်လည်း ကိုယ်တို့မသွားဘူး။ ကွန်ဖယ်ဒရေးရှင်းအနေနဲ့လည်းမသွားဘူး။ သွားမှာက ဖဖယ်ဒရယ်စနစ် တိုင်းသွားမှာ။ Power Sharing၊ Resource  Sharing ဒီအပိုင်းတွေကို ညှိမှာပဲ။ ကောက်တပ်ချင်သလို ဗိုလ်မှုးကွ၊ ဗိုလ်ချုပ်ကွ လုပ်မရဘူး။ အိန္ဒိယကြည့်ကြည့် ဘယ်နိုင်ငံ ကြည့်ကြည့်ပါ။
မေး။  ။ ဒါဆို ပြည်သူဘက်ကနေ မေးပါရစေ။ ကရင်မှာဆို ကရင်တပ်ရှိနေမယ်။ ဒီလိုအသီးသီးရှိမှာဆိုတော့ တိုင်းရင်းသားတဦးချင်းဆီကို ကာကွယ်မှာက ဘယ်တပ်မတော်ကလဲ။ ခပ်လွယ်လွယ် ပြောရရင် ဘယ်သူ့ကို ယုံစားပြီး သူတို့ လုံခြုံရေးကို ပုံအပ်ရမလဲ။ ခေတ်စကားဆို ဗိုလ်ချုပ်ရယ် အဖေ ဘယ်သူ့ကိုခေါ်ရမလဲပေ့ါ။
ဖြေ။  ။ (ရယ်လျက်) အဲဒါက မှားနေပြီ။ တပ်မတော်ဟာ ဗမာ့တပ်မတော်မဟုတ်ဘူး။ အဲလိုထင်နေကြလို့လား။ ခု တပ်မတော်ဟာ ပြည်ထောင်စုတပ်မတော်ပဲ။ တပ်မတော်သည် ပြည်ထောင်စုကြီး တခုလုံးကို ကာကွယ်နေတာ ဖြစ်ပါသည်ဆိုတဲ့ စကားအရဆို မေးတဲ့အဖြေကို ပေးပြီးသား ဖြစ်မှာပါ။
မေး။  ။ တိုင်းရင်းသားနယ်ထဲမှာ တပ်မတော်က နှိပ်စက်နေတယ်။ မတရားလုပ်နေတယ်ဆိုတဲ့ကိစ္စတွေ၊ တိုင်းရင်းသား အမျိုးသမီးတွေ မလုံခြုံဘူးဆိုတာတွေနဲ့ ပတ်သက်ပြီး ပြောနေတာတွေအပေါ် ဗိုလ်ချုပ် ဘယ်လိုအဖြေပေးချင်သလဲ။
ဖြေ။  ။ ဘယ်အပိုင်းတွေ မလုံခြုံတာလဲ။ တပ်မတော်က မတထောင်ဖွားတွေချည်းပဲ။ လုံးပြီး မပြောပါနဲ့။ တပ်မတော်ကို ကောင်းတယ်ပဲ ပြောနေတာ မဟုတ်ဘူး။တကယ်ကောင်းတဲ့သူတွေ ရှိတယ်။ ဒီလို ဆိုးတဲ့သူတွေအတွက် စစ်စည်းကမ်းအရ အရေးယူနေတယ်။ တပ်မတော်က မဟုတ်တာလုပ်တဲ့သူတွေကို လက်ခံထားတဲ့နေရာ မဟုတ်ဘူး။ နောက် မဟုတ်တာကိုလုပ်ဖို့ မျက်နှာသာလည်း မပေးဘူး။ မထုတ်ပြန်တာတွေတော့ ရှိတယ်။ မဟုတ်တာ လုပ်တဲ့ တပ်သား၊ ဗိုလ်တွေကို ဘယ်လိုအပြစ်ပေးလဲဆိုတာ မေးကြည့်ပါဦး။ အပြင်ဥပဒေထက်၂ ဆကြီးတာ ပေးတယ်။ ခံစားဖူးသူတွေ မေးကြည့်ပါ။ တပ်မတော်မှာ လုပ်ချင်တိုင်း လုပ်ခွင့်ရှိတဲ့ အာဏာရထားတဲ့လူ မရှိဘူး။
မေး။  ။၂၀၀၈ ဖွဲ့စည်းပုံအတိုင်း ကာချုပ်က ဆက်လက်လုပ်ဖို့ ပြောနေတာဆိုတော့ တော်တော်များများက ဒီပေါ်မှာ ဝေဖန်နေတယ်။
ဖြေ။  ။ ဒါကတော့ တပ်မတော်ကာကွယ်ရေးဦးစီးချုပ် မူပေါ့။ ပြင်ချင်ကြတယ်လို့ အော်သူတွေရှိတယ်။ ဒါကတော့ မူအနေနဲ့ ချပေးတာဘဲလေ။ ဒါကို လိုက်နာကြဆိုပြီး အတင်း လုပ်နေတာ မဟုတ်ဘူး။
မေး။  ။ အခု အစိုးရ တင်ပြတဲ့ အပစ်ရပ်မူကြမ်းက လွှတ်တော်ကော၊ ကာချုပ်ကောက အမြန်ရေးဆွဲလိုက်တယ်ဆိုတဲ့သတင်းတွေ ထွက်နေတယ်။ ဟုတ်ပါသလား။
ဖြေ။  ။ ဒါကတော့ အားလုံးပေါ့။ အစိုးရအဖွဲ့အစည်း တပ်မတော်အကုန်ပါတဲ့ဟာတွေက အဆင့်ဆင့် တင်ပြတယ်။ နိုင်ငံတော် သမ္မတကော၊ အဓိကကတော့ ကာလုံပေါ့။
မေး။  ။ဒါဆို အဓိကက ကာလုံဆွဲတာလား။ ဘာကြောင့် ကာလုံက အဓိကကျတာလဲ။
ဖြေ။  ။ အဲလိုရယ် မဟုတ်ဘူး။ နယ်မြေလုံခြုံရေးဟာ ကာလုံ အဓိက တာဝန်ပါ။ ဒါကြောင့်ပါ။
မေး။  ။ တပ်မတော်မှာ ဘာသာကွဲ၊ တိုင်းရင်းသားတွေ လက်မခံဘူး ပြောနေတယ်။
ဖြေ။  ။ မဟုတ်ပါဘူး။ မည်သူမဆိုပါ။ စစ်မှုထမ်းအတွက် စည်းရုံးနေတာ။ အရင်က မပြောနဲ့တော့။ ခု ဘာသာကွဲတွေကိုတောင် လက်ခံနေပါတယ်။ လက်မခံဘူးဆိုပြော၊ ဘာသာရေးနဲ့လည်း မကန့်သတ်ဘူး။ လူမျိုးရေးလည်း မကန့်သတ်ဘူး။ နောက်ပိုင်း ပြည်ထောင်စုတပ်မတော်ဖြစ်လာဖို့ ခု လုပ်နေတယ်။
မေး။  ။ တပ်မတော်အနေနဲ့ ဒီမိုကရေစီလမ်းကြောင်း နှစ်သက်ရဲ့လား။ လက်ခံပါရဲ့လား။
ဖြေ။  ။ ဒါဆိုမေးမယ်။ ဒီမိုကရေစီဆိုတာ ဘာလဲ။ ဘယ်လိုနားလည်ထားလဲ။ ဒီမိုကရေစီဆိုတာ ပြည်သူ့အာဏာလို့ ဆိုတာပေါ့။ အရာရာကို ပြည်သူကပဲ ဆုံးဖြတ်တာပေါ့။ ၂၀၀၈ ဖွဲ့စည်းပုံက ဒီမိုကရေစီကျကျ ရေးဆွဲထားတာ။ ပြည်သူထံမှ လာတယ်။ တပ်မတော်ဟာ ဒီမိုကရေစီကို ချစ်တယ်။ တပ်မတော်မှာ တပ်တွင်းဒီမိုကရေစီ ရှိတယ်။ ဒီမိုကရေစီလိုလားလို့ ဒီလို လွှဲပေးတာပေါ့၊ မလိုလားရင် ဘယ်လွှဲပေးမလဲ။
မေး။  ။ ပြည်သူဆိုလို့ ၂၀၀၈ ကို ပြည်သူက ပြင်ချင်တယ်ဆိုတဲ့အသံတွေ ရှိနေတယ်။
ဖြေ။  ။ ပြည်သူတွေပြင်မယ်ဆိုတာ ဘယ်သူတွေ ပြင်ချင်သလဲ။ ဒီဖွဲ့စည်းပုံကို သန်းပေါင်း ၆၀ မှာ ၉၈ ရာခိုင်နှုန်း ထောက်ခံထားတာလေ။ ပြင်ဆင်ချင်ရင် ပြင်ဆင်ချက်တွေလည်း သတ်မှတ်ထားတာ ပါတယ်။ ပြည်သူတွေ မှန်မှန်ကန်ကန်လုပ်နိုင်ဖို့ အခွင့်အရေးတွေ ရှိတာပဲ။
မေး။   ။ ဒါပေမယ့် တပ်မတော်က ၂၀၀၈ ဖွဲ့စည်းပုံအရ လွှတ်တော်ထဲမှာဆို ၂၅ ရာခိုင်နှုန်း၊ အစိုးရဆိုလည်း တပ်နေရာက နိုင်ငံတော်သမ္မတတန်းတူ ရှိနေတာ ဆိုတော့လေ။ တပ်မတော်က ဖွဲ့စည်းပုံပြင်ရေး လက်ခံမှာလား။
ဖြေ။   ။ ဒီဟာ နောက်တခါ ဆွေးနွေးမှာပေါ့။ ဒါဆို ရှည်သွားမယ်။ တခုပဲ ပြောမယ်။ခု ပြင်မယ် ပြောတယ်။ အခြေခံဥပဒေကို အစအဆုံး ဖတ်တဲ့သူ ဘယ်နှစ်ဦး ရှိလဲ။ ဖတ်ဖူးတာကို အခန်းလိုက် နားမလည်ကြတာ အများကြီး။ ဒီဟာတွေ ရှိတယ်။ တပ်မတော်က ပြင်ချင်ရင် ရတယ်ဆိုတာတွေ ပြောတယ်။ ပြင်ဖို့ လိုအပ်ရင် တပ်မတော်က ဒီဟာကိုပဲ ဖက်တွယ်ရမယ် ဆိုတာမျိုး မရှိဘူး။ လက်မခံနိုင်စရာ မရှိဘူး။
မေး။  ။ တပ်မတော်ထဲကို များသောအားဖြင့်က ရာထူးရချင်လို့၊ နောက်တခုက အရပ်ဘက်ပြောင်းရင် ရာထူးကြီးကြီး ရလို့ ဝင်ချင်ကြတယ်။ ဒီလိုဆိုတော့ တပ်က အခွင့်အရေးရလို့ ဆိုတဲ့ ပုံစံဖြစ်နေပြီး တကယ့် ပညာရှင်တွေကနေရာ မရဘူး။
ဖြေ။  ။ ခုတော့ မရှိပါဘူး။
မေး။  ။အရင်က ရှိတယ်ပေါ့။
ဖြေ။  ။ အေးပေါ့။ အခုက မူပြောင်းပြီ။ အရင်က တပ်မတော်က အစိုးရဆိုတော့ ကိုယ်ယုံကြည်သူ ကိုယ်ထားတာပေါ့။ ခုက အရပ်သားအစိုးရပါ။ တပ်မတော်က ပြောင်းတယ်ပြောပြော ဒါပေမယ့် ကိုယ်ယုံကြည်စိတ်ချရသူ ထားမှာပေါ့။ ဒါ သဘာဝပဲ။ ဒါက ယှဉ်ပြိုင်မှုပဲ။ အခြေအနေ အမျိုးမျိုး ရှိတယ်။ တပ်မတော်မှာ အခွင့်အရေးရတယ် ထင်တယ်ဆို ဝင်ပါ။ ဝင်နိုင်တယ်။ ဝင်လေ။ မတားပါဘူး။ အရင်ကတော့ ဟုတ်မယ်။ ခု အစိုးရက ပညာရှင်တွေကို ပိုနေရာပေးပါတယ်။

• 
  
  နန်းလွင်နှင်းပွင့်| သောကြာနေ့၊ နိုဝင်ဘာလ ၈ ရက် ၂၀၁၃ ခုနှစ်
  
  ဘားအံ၌ ဒီဇင်ဘာလတွင် ဒုတိယအကြိမ် ထပ်မံပြုလုပ်မည့် တိုင်းရင်းသား ထိပ်သီးခေါင်းဆောင်များ အစည်းအဝေးတွင် ဖယ်ဒရယ်ပြည်ထောင်စုတပ်မတော် ဖြစ်ပေါ်လာရေးကို တိုင်းရင်းသားအဖွဲ့အစည်း အားလုံးတို့က အဓိကထား ဆွေးနွေးရန် စီစဉ်ထားသည်ဟု တိုင်းရင်းသား လက်နက်ကိုင် အဖွဲ့ခေါင်း ဆောင်အချို့က ဆိုသည်။
  
  “ကျွန်တော်တို့ တိုင်းရင်းသားတွေက ဖယ်ဒရယ်ပြည်ထောင်စုကို လိုချင်လို့ အသက်တွေ နှစ်ကာလတွေ စတေးခဲ့ရတာ အများကြီးပါ။ ဖယ်ဒရယ်ဆိုတာမျိုးကို လုပ်ပေးဖို့ အခွင့်အလမ်းမတွေ့ရဘူး အဲ့တော့ ကျွန် တော်တို့ တိုင်းရင်းသားတွေဘက်ကလည်း ထပ်ပြီး ဆွေးနွေးရဦးမယ်”ဟု မဇ္ဈိမကို ပြောသည်။
  
  ဆွေးနွေးပွဲကို ဒီမိုကရေစီအကျိုးပြု ကရင်ဗုဒ္ဓဘာသာတပ်မတော် DKBA ကလို့ထူးဘော စစ်ဌာနချုပ်က အဓိက ပံ့ပိုးပြုလုပ်သွားမည်ဖြစ်ပြီး ကရင်အမျိုးသားအစည်းအရုံး KNU နှင့်လည်း ညှိနှိုင်းသွားမည်ဟု DKBA မှ ပြောရေးဆိုခွင့်ရှိသူများက ဆိုသည်။
  
  တိုင်းရင်းသားတို့က တစ်နိုင်ငံလုံးအတိုင်းအတာ အပစ်အခတ်ရပ်စဲရေးနှင့် ငြိမ်းချမ်းရေး လတ်မှတ်ရေး ထိုးရာတွင် ဗမာတပ်မတော်၊ ကရင်တပ်မတော်၊ ကချင်တပ်မတော် စသည်ဖြင့် တိုင်းရင်းသားအသီးသီး ပါဝင်သည့် ဖယ်ဒရယ်ပြည်ထောင်စု တပ်မတော်တစ်ခု ဖွဲ့စည်းရန် လိုလားသော်လည်း အစိုးရန်နှင့် ညှိ နှိုင်းမှု မပြေလည်သေးဟုလည်း ယင်းတို့က ပြောသည်။
  
  “အစိုးရဘက်က ကန့်ကွက်တယ်လို့ရယ်လို့တော့ တိုက်ရိုက်မပြောပေမယ့် သူတို့ဘက်က ၂၀၀၈ဖွဲ့စည်း ပုံနဲ့ ကိုင်ပေါက်နေတယ်၊ ဖယ်ဒရယ်တပ်မတော်ကို တည်ထောင်လို့ရမှာ မဟုတ်ဘူးဆိုပြီး ကျွန်တော်တို့ တိုင်းရင်းသားတွေက ၂၀၀၈ ဖွဲ့စည်းပုံကို ဘယ်လိုမှ ယုံကြည်လို့မရပါဘူး။ ၂၀၀၈ ဖွဲ့စည်းပုံဆိုတာက လူထုတွေလက်ခံပြီး ဖြစ်လာတာလည်း မဟုတ်ဘူး၊ တိုင်းရင်းသားတွေ သဘောထားလည်း မပါဘူး” ဟု ကလို့ထူးဘောစစ်ဌာနချုပ်အခြေစိုက် စစ်ဗျူဟာမှူး ဗိုလ်မှူးကြီးစောဆန်းအောင်က မဇ္ဈိမကို ပြောသည်။
  
  ဘားအံမြို့တွင်ပြုလုပ်မည့် ဆွေးနွေးပွဲသည် အဖွဲ့အားလုံး တက်ရောက်မည်ဟု ကတိက၀တ်ပြုထား သည့် အခြေအနေတွင်သာ ရှိနေသေးပြီး အတိအကျ စီစဉ်ထားခြင်းမျိုး မဟုတ်သေးဟု ကလို့ထူးဘော စစ်ဌာနချုပ်အခြေစိုက် ကော့ကရိတ်မြို့တာဝန်ခံ ဗိုလ်ကြီးစောကျော်သက်က ပြောဆိုသည်။
  
  “ကျွန်တော်တို့ အသက်တွေပေးပြီး ထိန်းသိမ်းလာခဲ့တဲ့ ကရင့်လက်နက် ကရင့်လက်ထဲမှာရှိရမယ်ဆိုတဲ့ ခံယူချက်မျိုးတွေက တိုင်းရင်းသားတိုင်းမှာ ရှိတာပဲ။ ဒါတွေကို လျစ်လျူရှုလို့မရဘူး ခံယူချက်တွေကို ဖျောက်ပစ်လို့မရဘူး”ဟု ဗိုလ်ကြီးစောကျော်သက်က ဆိုသည်။
  
  တိုင်းရင်းသားတို့၏ တောင်းဆိုချက်များ ဆွေးနွေးပွဲကျင်းပခြင်းများသည် ပြည်ထောင်စုမှ ခွဲထွက်လိုခြင်း အလျဉ်းမပါဝင်ဘဲ ဖက်ဒရယ်ပြည်ထောင်စုစနစ် တည်ထောင်ရန်ကိုသာ ဦးတည်သည်ဟု ယင်းတို့က အာမခံသည်ဟုလည်း ပြောဆိုကြသည်။
  
  တိုင်းရင်းသားခေါင်းဆောင်များ၏ ပထမအကြိမ်ဆွေးနွေးပွဲကို နိုဝင်ဘာလကုန်၌ ကချင်ပြည်နယ် လိုင်ဇာ မြို့တွင် နှစ်ရက်တာ ပြုလုပ်ခဲ့ပြီး အစိုးရက ကမ်းလှမ်းထားသည့် တစ်နိုင်ငံလုံးအတိုင်းအတာဖြင့် အပစ် အခတ်ရပ်စဲရေး လက်မှတ်ရေးထိုးရန်ကိစ္စကို နိုင်ငံရေးအရ ဆွေးနွေးရန် အာမခံချက်များရှိမှသာ ဖြစ်နိုင် မည်ဟု ဆုံးဖြတ်ခဲ့ကြသည်။
  
  ထို့နောက် ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီနှင့် တိုင်းရင်းသား လက်နက် ကိုင် အဖွဲ့ခေါင်းဆောင်များ၊ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ၊ တစ်နိုင်ငံလုံး အပစ်ရပ်ညှိနှိုင်းရေးအဖွဲ့တို့ မြစ်ကြီးနားမြို့၌ နိုဝင်ဘာ ၄ ရက်မှစတင်၍ နှစ်ရက်ကြာ ဆွေးနွေးခဲ့သော် လည်း ဆုံးဖြတ်ချက်တစ်စုံတရာ ရရှိခဲ့ခြင်း မရှိခဲ့ပေ။
  

  ဘားအံမြို့တွင် ယနေ့ကျင်းပသည့် ၅၈ နှစ်မြောက် ကရင်ပြည်နယ်နေ့ အခမ်းအနားသို့ ကရင်မျိုးနွယ်စုများ စုံညီစွာ တက်ရောက် ဆင်နွဲခဲ့ကြသည်။
  Iron Cross တီးဝိုင်းမှ ဂီတာသမား ချစ်စမ်းမောင်ကိုလည်း ပွဲတော်လာ ဧည့်သည်တော်များ၊ ပရိသတ်များကြားတွင်တွေ့ရသည် (ဓာတ်ပုံများ - မန်းမျိုးမြင့်)

အကွဲကွဲအပြားပြား ဖြစ်နေကြသည့် ကရင်လက်နက်ကိုင် အဖွဲ့အစည်းများမှ ကိုယ်စားလှယ်များကိုလည်း ယနေ့တွင် ရင်းနှီးခင်မင်စွာဖြင့် တက်ရောက်ဆင်နွဲခဲ့ကြသည်ကို တွေ့ကြရသည်။

ဒေသတွင်းရှိ ကရင်ရိုးရာဒုံးအဖွဲ့ပေါင်းများစွာ ပြိုင်ပွဲဝင်ကပြကြမည်ဖြစ်သည်။