"/>
Myanmar Kyat Converter
Yangon (Rangoon) Time
အစိုးရ
အာဏာပိုင် များမှ ကြေးနီတောင် သပိတ် စခန်းကို အကြမ်းဖက် လိုက်သည့် အတွက်
မကျေမနပ် ဖြစ်ကြသည့် ပြည်တွင်း ပြည်ပ အင်အားစု များက ဆက်လက် ဆန္ဒပြ နေကြ
ပါသည်။ မကျေမနပ် ဖြစ်နေ ကြသော ရဟန်းရှင် ပြည်သူများ ထိုင်းနိုင်ငံ ဗန်ကောက် မြို့ရှိ မြန်မာ သံရုံးရှေ့၌ လည်းကောင်း၊ ဂျပန် နိုင်ငံ တိုကျို မြို့ရှိ မြန်မာ သံရုံး၌ လည်ကောင်း၊ ရန်ကုန်မြို့ နှင့် မန္တလေး မြို့၌ လည်းကောင်း၊ ဆန္ဒပြ နေကြခြင်း ဖြစ်ပါသည်။
ရန်ကုန်မြို့၌မူ ဆူးလေ စေတီ၌ ဆန္ဒပြ ကြပြီး၊ မန္တလေးမြို့၌မူ အိမ်တော်ရာ ဘုရားဝင်းတွင် သံဃာ အပါး ၂၀၀ ခန့် ဆန္ဒပြ ခဲ့ကြ ပါသည်။ ရန်ကုန် မြို့တွင် ဒဏ်ရာ ရခဲ့သည့် သံဃာတော် များ၏ ပိုစတာများကို ကိုင်ဆောင်ကာ ဆူးလေ ဘုရား ရင်ပြင်တော် ပေါ်တွင် တစ်ပတ် ပတ်ပြီး မဟာဗန္ဓုလ လမ်းအတိုင်း ဗိုလ်တထောင် ဘက်သို့ လမ်းလျှောက် ချီတက် ခဲ့ကြပါသည်။
ရန်ကုန်မြို့ ဆူးလေ ဆန္ဒပြပွဲ မြင်ကွင်းအား မြင်ရစဉ် (ဓါတ်ပုံ - Than Win)
“ကျွှန်တော်တို့ အချိန်းအချက် လုပ်ထားတာ နည်းနည်း လွဲနေကြတယ်၊ အခုမှ လူစု နေတုန်း ရှိသေးတယ်၊ သံဃာ ၅၀ လောက်က ဆူးလေမှာ စနေပြီ၊ ဟိုတစ်စု ဒီတစ်ခု ပြန့်ကျဲ နေတဲ့ အင်အား အားလုံး စုစုပေါင်း (၁၀၀) လောက် ရှိနေပြီ” ဟု ဆန္ဒ ပြပွဲတွင် ရောက်ရှိ နေသည့် ပုဂ္ဂိုလ် တစ်ဦးမှ ညနေ (၄) နာရီခန့်တွင် ပြောကြား ခဲ့ပါသည်။ ဆန္ဒပြသူ များသည် လက်ပံတောင်း ကြေးနီတောင် သပိတ် စခန်း (၆) ခုအား အကြမ်းဖက် ခဲ့သည့်အပေါ် အစိုးရက တာဝန်ယူ ဖြေရှင်း ပေးရန်နှင့် စီမံကိန်း လုံးဝ ရပ်ဆိုင်းရန် အတွက် တောင်းဆို ခဲ့ကြပါသည်။ ရဲများသည် ဆန္ဒပြပွဲအား စောင့်ကြည့်ရုံသာ စောင့်ကြည့် နေပြီး နံပါတ်တုတ်မှ အပ လက်နက် ကိုင်ဆောင် ထားခြင်း မရှိဟု ဆိုပါသည်။
ဆန္ဒ ပြပွဲတွင် ရဟန်းသံဃာများ၊ တိုင်းရင်းသား လူငယ် ကွန်ယက်များ၊ ဗကသများ၊ သဘာဝ ပတ်ဝန်းကျင် ထိမ်းသိန်း ရေး အဖွဲ့များ၊ လက်ပံတောင်း သပိတ် ကော်မီတီများ၊ လက်ပံတောင်း လူထု ညီလာခံ ကော်မီတီ များနှင့် မြေသိမ်း ခံရ သည့် တောင်သူ လယ်သမားများတို့ ပါဝင် ကြပါသည်။
0 comments:
Post a Comment