ဘင်္ဂလာဒေခ်ျ့ ရေပြင်တွင် နောက်ထပ် လူသေ အလောင်း ၇ လောင်းကို ယမန်နေ့ နံနက်က ထပ်မံ ဆယ်ယူရရှိခဲ့သည်ဟု ဘင်္ဂလာရဲက ပြောသည်။
ယခု ဆယ်ယူရရှိသည့် အလောင်းများမှာ ကလေးငယ်များ ဖြစ်ကြပြီး တက်ကနက် မြို့နယ် အတွင်း ပင်လယ်ပြင်တွင် မျောပါနေသည်ကို ဒေသခံများ၏ အကူအညီဖြင့် ဆယ်ယူခဲ့သည်ဟု  ရဲတာဝန်ရှိသူများက ပြောသည်။
ဆယ်ယူရရှိပြီးနောက် ဘင်္ဂလာဒေခ်ျ့ နယ်စပ် အာဏာပိုင်များမှ မြန်မာနယ်စပ် နစက အာဏာပိုင်များသို့ အကြောင်းကြားရာ သူတို့မှာ ပေါက်တောမြို့နယ်အတွင်းမှ ဖြစ်ကြပြီး မုန်တိုင်း အန္တရာယ်မှ ရှောင်ကွင်းစဉ် လှေနစ် သေဆုံးခဲ့ကြသူများ ဖြစ်ကြောင်းနှင့် အလောင်းများကို ပြန်လည် သယ်ယူရန် အခက်အခဲရှိသဖြင့် ဘင်္ဂလာဒေခ်ျ့တွင်ပင် သဂြိုလ်ရန် ပြောကြောင်း တက်ကနက် အခြေစိုက် အမှတ် (၄၂) တပ်ရင်း တပ်ရင်းမှူး ဂျာဟစ် ဟူစိန်က ပြောသည်။
သို့အတွက် မြန်မာဘက်မှ မျောလာသော အလောင်း ၃၁ လောင်းကို ယမန်နေ့ မေလ ၁၇ ရက်နေ့က တက်ကနက် မြို့နယ်အတွင်း သဂြိုလ်လိုက်ပြီဟု ဆိုသည်။
သေဆုံးသွားသူများသည် ပေါက်တောမြို့နယ် ငှက်ချောင်း မူဆလင် ဒုက္ခသည် စခန်းမှ ဖြစ်ကြပြီး မေလ ၁၃ ရက်နေ့က ဆိုင်ကလုန် မဟာစင် အန္တရာယ်ကို စိုးရိမ်သဖြင့် စက်လှေဖြင့် ရှောင်ကွင်းစဉ် စက်လှေနစ်ရာမှ သေဆုံးသွားခဲ့သူများ ဖြစ်ကြောင်း သိရသည်။
၎င်းပြင် မုန်တိုင်းကြောင့် မြန်မာဘက်သို့ မပြန်နိုင်ဘဲ တက်ကနက်မြို့တွင် ပိတ်မိနေသူ မြန်မာနိုင်ငံသား ကုန်သည်  ၅၂ ဦးကိုလည်း ယမန်နေ့က မောင်တောသို့ ပြန်လည် ပို့ဆောင်ခဲ့သည်ဟု ဆိုသည်။