Derek Mitchell

မြန်မာနိုင်ငံဆိုင်ရာ အမေရိကန် သံအမတ်ကြီးအဖြစ် ခန့်အပ်ဖို့ အမေရိကန်သမ္မတ ဘရက်အိုဘားမား (Barack Obama) အဆိုပြုထားသူ ဒဲရက်မစ်ချဲလ် (Derek Mitchell) ကို အထက်လွှတ်တော်က အတည်ပြု ထောက်ခံလိုက်ပါပြီ။ သောကြာနေ့က အထက်လွှတ်တော်မှာ မဲခွဲဆုံးဖြတ် အတည်ပြုခဲ့တာ ဖြစ်တဲ့အတွက် မစ္စတာ မစ်ချဲလ် ဟာ ၂၂ နှစ်အတွင်း ပထမဆုံး မြန်မာနိုင်ငံဆိုင်ရာ အမေရိကန်သံအမတ်ကြီး ဖြစ်လာတော့မှာဖြစ်ပါတယ်။

မြန်မာနိုင်ငံဆိုင်ရာ အမေရိကန် မူဝါဒရေးရာ ညှိနှိုင်းရေးမှုးနဲ့ အမေရိကန်သမ္မတရဲ့ မြန်မာနိုင်ငံဆိုင်ရာ အထူး ကိုယ်စားလှယ် တာဝန်ယူခဲ့ရသူ ဒဲရက်မစ်ချဲလ်ဟာ သူရဲ့တာဝန်တွေကို အထူး ကျေပွန်အောင် ထမ်းဆောင်ခဲ့သူတယောက် ဖြစ်ပြီး သူ့ရဲ့ အတွေ့အကြုံတွေက ဒေသတွင်းအမေရိကန်ရဲ့ အကျိုးစီးပွားကို တိုးမြှင့်နိုင်မယ်လို့ ယုံကြည်ကြောင်း အထက်လွှတ်တော် လူနည်းစုခေါင်းဆောင် ရီပက်ပလီကန် အမတ် မစ်ခ်ျမက်ကောနဲလ် (Mitch McConnell) က ပြောပါတယ်။

မစ္စတာ မစ်ချဲလ်ကို သံမတ်အဖြစ် ခန့်သင့် မသင့်ကို ဗုဒ္ဓဟူးနေ့က အထက်လွှတ်တော် နိုင်ငံခြားဆက်ဆံရေး ကော်မတီမှာ စစ်ဆေးကြားနာခဲ့စဉ်တုန်းက မစ္စတာ မစ်ချဲလ် က မြန်မာနိုင်ငံနဲ့ အမေရိကန်ပြည်ထောင်စုကြား ထိတွေ့ဆက်ဆံရေး မူဝါဒဟာ အကျိုးဖြစ်ထွန်းပြီး ဒီထက်ပို ရှေ့ဆက် လုပ်ဆောင်ဖို့ လိုတဲ့အကြောင်း ပြောကြားခဲ့ပါတယ်။ သမ္မတ ဦးသိန်းစိန် အစိုးရဟာ အပြောင်းအလဲတွေ လုပ်ဖို့ သန္နိဌာန်ချထားကြတယ် ဆိုတာ ယုံကြည်တယ်လို့လည်း ကြားနာပွဲမှာ သူက ပြောကြားသွားခဲ့ပါတယ်။

မြန်မာနိုင်ငံမှာ ၁၉၈၈ ခုနှစ် လူထု အုံကြွမှုကြီးကို စစ်တပ်က ရက်ရက်စက်စက် နှိမ်နှင်းခဲ့တာကြောင့်ရော၊ ၁၉၉၀ ရွေးကောက်ပွဲမှာလည်း အနိုင်ရ အမျိုးသားဒီမိုကရေစီအဖွဲ့ချုပ်ကို အာဏာလွှဲ မပေးတာကြောင့်ပါ ၁၉၉၀ ခုနှစ်ကတည်းက စပြီး အမေရိကန်က မြန်မာနိုင်ငံမှာ သံအမတ်ကြီးအဆင့် ထားရှိမှုကို ရပ်စဲခဲ့တာဖြစ်ပါတယ်။ ဒါပေမဲ့ သမ္မတ ဦးသိန်းစိန်အစိုးရက ပြုပြင်ပြောင်းလဲမှုတွေ လုပ်လာတဲ့နောက်ပိုင်း အမေရိကန် နိုင်ငံခြားရေးဝန်ကြီး ဟီလာရီကလင်တန် (Hillary Clinton) ရဲ့ သမိုင်းဝင် မြန်မာနိုင်ငံ ခရီးစဉ်အတွင်းမှာ သံအမတ်ကြီးအဆင့် ပြန်လည်ထားရှိဖို့ ပြန်လည် ဆွေးနွေးခဲ့တာဖြစ်ပါတယ်။

By ဗွီအိုအေ (မြန်မာဌာန)

ဒေါ်အောင်ဆန်းစုကြည်စီးနင်းလိုက်ပါလာသော ယာဉ်တန်းအား ကြိုဆိုထောက်ခံသူများနှင့်အတူ ရန်ကုန်အပြည်ပြည်ဆိုင်ရာ လေဆိပ်၌ ဇွန်လ ၃၀ ရက်နေ့ နံနက်ပိုင်းက တွေ့ရစဉ်

ဥရောပခရီးစဉ်အဖြစ် ဆွစ်ဇာလန်၊ နော်ဝေ၊ အိုင်ယာလန်၊ ဗြိတိန်နှင့် ပြင်သစ်နိုင်ငံများသို့ ဇွန်လ ၁၃ ရက်နေ့မှ စတင်သွားရောက်ခဲ့သည့် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်သည် ဇွန်လ ၃၀ ရက်နေ့ နံနက် ၁၀ နာရီ ၃၀ မိနစ်ခန့်တွင် ထိုင်းလေကြောင်းလိုင်း TG 303 ဖြင့် ရန်ကုန်အပြည်ပြည်ဆိုင်ရာ လေဆိပ်သို့ ပြန်လည်ရောက်ရှိခဲ့သည်။

ဒေါ်အောင်ဆန်းစုကြည် လိုက်ပါလာသော လေယာဉ် TG 303  သည် နံနက် ၈ နာရီ ၅၀ မိနစ်အချိန်တွင် ရန်ကုန်အပြည်ပြည်ဆိုင်ရာ လေဆိပ်သို့ ဆိုက်ရောက်မည်ဟု ကြေညာခဲ့သော်လည်း လေယာဉ် delay  အချိန်ရွှေ့ဆိုင်းလိုက်၍ နံနက် ၁၀ နာရီ ၃၀ မိနစ်ခန့်၌သာ ဆိုက်ရောက်လာခဲ့သည်။
ကုန်အပြည်ပြည်ဆိုင်ရာလေဆိပ်တွင် နံနက် ၆ နာရီ အချိန်ဝန်းကျင်ကတည်းကပင် လေဆိပ်အတွင်း၊ အပြင်တွင် ကြိုဆိုရန် စောင့်ဆိုင်းသူများ ရှိခဲ့ပြီး ဒေါ်အောင်ဆန်းစုကြည်ကို စတင်တွေ့ရှိရချိန်မှစ၍ လာရောက်ကြိုဆိုသော ပြည်သူများအပြင် လေဆိပ်အတွင်းရှိသူများပါ လက်ခုပ်တီး၍ သောင်းသောင်းဖျဖျ ကြိုဆိုခဲ့ကြသည်ကို တွေ့ရသည်။

ထို့အပြင် လေဆိပ်အထွက်မှစ၍ ပြည်လမ်းတစ်လျှောက် ပြည်သူများနှင့် ထောက်ခံသူများက NLD အလံများ ကိုင်ဆောင်၍ ကြိုဆိုခဲ့ကြသည်။

ရန်ကုန်အပြည်ပြည်ဆိုင်ရာ လေဆိပ်သို့ ဇွန်လ ၃၀ ရက်နေ့ နံနက်ပိုင်းက ရောက်ရှိလာသော ဒေါ်အောင်ဆန်းစုကြည်အား တွေ့ရစဉ်

''ကိုယ်ကျိုးအတွက် မဟုတ်ဘဲ နိုင်ငံအတွက် ဝေဖန်သံတွေ၊ ကန့်ကွက်သံတွေကြားက  ဥရောပခရီးကို သွားခဲ့တာလို့ ယုံကြည်မိပါတယ်။  အဲဒီနိုင်ငံတွေမှာလည်း သူ့အကျိုးစီးပွားအတွက် ဘာမှမလုပ်ခဲ့ဘူး။ ဈေးကွက်သဘောအရပြောရင် မြန်မာနိုင်ငံအတွက် သူ ပရိုမိုးရှင်းဆင်းတာပဲ။ သူ့ကြောင့် ကမ္ဘာမှာ မြန်မာဆိုတာ ၀င့်ကြွားနိုင်ခဲ့ရပါပြီ။ ဒါကြောင့် မနက် ၇ နာရီလောက်ကတည်းက လာစောင့်ကြိုဆိုတာပါ''ဟု မြောက်ဒဂုံမြို့နယ်မှ အသက် ၂၅ နှစ်အရွယ် ကိုကျော်ဝင်းက ပြောပါသည်။ ထို့အတူ အသက် ၁၆ နှစ်အရွယ် မဖြူသီက ''အခုလိုလာကြိုတဲ့ သူတွေအများကြီးတွေ့ရတာ ပျော်ပါတယ်။ သမီးတို့က အမေစုကိုချစ်လို့ လာကြိုတာပါ''ဟု ပြောပါသည်။
''အမေစုကို အရင်ကတည်းက တကယ်ကို သဘောကျခဲ့တာပါ။ စိတ်ရင်းစိတ်ထားက ပြည်သူလူထုအတွက် အရမ်းကို ကောင်းအောင် လုပ်ပေးလိုတဲ့စိတ် ရှိတယ်။ အခုလာ ကြိုတာ။ အမေတစ်ယောက်ကို လာကြိုရသလိုပဲ ခံစားရတယ်။ တကယ်ကို ၀မ်းသာနေပါတယ်''ဟု မင်္ဂလာဒုံ မြို့နယ်တွင်နေထိုင်သူ ချင်းတိုင်းရင်းသူ ဒေါ်လွန်းက ပြောပါသည်။

ရန်ကုန်အပြည်ပြည်ဆိုင်ရာ လေဆိပ်သို့ ဇွန်လ ၃၀ ရက်နေ့ နံနက်ပိုင်းက ရောက်ရှိလာသော ဒေါ်အောင်ဆန်းစုကြည်အား တွေ့ရစဉ်

ထို့အပြင် ဒေါ်အောင်ဆန်းစုကြည်၏ နေအိမ်ရှေ့တွင်လည်း စောင့်ဆိုင်းကြိုဆိုသူများနှင့် လေဆိပ်မှ လိုက်ပါလာသောသူများကို ဒေါ်အောင်ဆန်းစုကြည်က နှုတ်ဆက်စကား ပြောကြားခဲ့ကြောင်းလည်း သိရသည်။
ဒေါ်အောင်ဆန်းစုကြည်သည် ၎င်း၏ ဥရောပငါးနိုင်ငံ ခရီးစဉ်အတွင်း ဆွစ်ဇာလန်နိုင်ငံ ဂျနီဗာမြို့တွင် ပြုလုပ်သော အပြည်ပြည်ဆိုင်ရာ အလုပ်သမားရေးရာအဖွဲ့(ILO)  ညီလာခံတွင် မိန့်ခွန်းပြောကြားခြင်း၊ နော်ဝေနိုင်ငံ အော်စလိုမြို့တွင် ငြိမ်းချမ်းရေးနိုဗယ်လ်ဆု ရရှိခြင်းအတွက် နိုဗယ်လ်မိန့်ခွန်းပြောကြားခြင်း၊ အိုင်ယာလန်နိုင်ငံတွင် အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ (Amnesty International) မှ ချီးမြှင့်သော Ambassador of Conscience ကို လက်ခံယူခြင်း၊ ဇွန်လ ၁၉ ရက်နေ့မှ ၂၆ ရက်နေ့အထိ ဗြိတိန်တွင် နေထိုင်ခဲ့ပြီး ဗြိတိန်ဝန်ကြီးချုပ် ဒေးဗစ်ကင်မရွန်၊ အိမ်ရှေ့မင်းသား ချားလ်တို့နှင့် သီးခြားစီတွေ့ဆုံခြင်း၊ နှစ်ပေါင်း ၃၀၀ ကျော် သက်တမ်းရှိ ဗြိတိသျှပါလီမန်မှ Westministar ခန်းမတွင် ဒုတိယကမ္ဘာစစ်နောက်ပိုင်း ငါးဦးမြောက် ဂုဏ်ထူးဆောင်ပုဂ္ဂိုလ်အဖြစ် မိန့်ခွန်းပြောကြားခြင်း၊ တိဗက်ခေါင်းဆောင် ဒလိုင်းလားမားနှင့် လန်ဒန်မြို့တွင် တွေ့ဆုံခြင်းများ ပြုလုပ်ခဲ့သည်။ 

ဒေါ်အောင်ဆန်းစုကြည်စီးနင်းလိုက်ပါလာသော ယာဉ်တန်းအား ကြိုဆိုထောက်ခံသူများနှင့်အတူ ရန်ကုန်အပြည်ပြည်ဆိုင်ရာ လေဆိပ် အရှေ့ဘက်တွင် ဇွန်လ ၃၀ ရက်နေ့ နံနက်ပိုင်းက တွေ့ရစဉ်

ထို့အတူ ဇွန်လ ၂၀ ရက်နေ့တွင် အောက်စဖိုဒ်တက္ကသိုလ်က ဒေါ်အောင်ဆန်းစုကြည်အား ဂုဏ်ထူးဆောင်ဒေါက်တာဘွဲ့ ချီးမြှင့်ခဲ့သည်။

ငြိမ်းချမ်းရေး နိုဗယ်လ်ဆုရှင် ဒေါ်အောင်ဆန်းစုကြည်သည် ဇွန်လ ၂၆ ရက်နေ့မှ ၂၉ ရက်နေ့အထိ ပြင်သစ်နိုင်ငံသို့ အလည်အပတ်ခရီး သွားရောက်ခဲ့ပြီး ပြင်သစ်နိုင်ငံ၌ ပြင်သစ်သမ္မတ ဖရန်ဆွာအော်လွန်ဒ်၊ နိုင်ငံခြားရေးဝန်ကြီး LaurentFabius၊ ပါရီမြို့တော်ဝန် Bertrand Delanoe၊ လွှတ်တော်ဥက္ကဋ္ဌများနှင့် သီးခြားစီ တွေ့ဆုံဆွေးနွေးခဲ့ပြီးနောက် ပြင်သစ်နိုင်ငံမှ ဇွန်လ ၂၉ ရက်နေ့မှ ထွက်ခွာလာခဲ့ရာ ဇွန်လ ၃၀ ရက်နေ့တွင် မြန်မာနိုင်ငံသို့ ပြန်လည်ရောက်ရှိလာခဲ့ခြင်း ဖြစ်သည်။

နိုင်ငံတော်၏ အမည်ကို ပြည်ထောင်စု သမ္မတမြန်မာ နိုင်ငံတော် ဖွဲ့စည်းပုံ အခြေခံ ဥပဒေတွင် သတ်မှတ်ပြဋ္ဌာန်း ထားသည့် အတိုင်း ရေးသား၊ ပြောဆို အသုံးပြုရေး အမျိုးသားဒီမိုကရေစီအဖွဲ့ချုပ်ပါတီသို့ ပြည်ထောင်စုရွေးကောက်ပွဲကော်မရှင်သည် ဇွန် ၂၉ရက်က အသိပေးအကြောင်းကြားစာ ထပ်မံထုတ်ပြန်ခဲ့ကြောင်း သိရသည်။

နိုင်ငံတော်အမည်ကို ဘားမား(Burma)ဟု ဒေါ်အောင်ဆန်းစုကြည်ပြောဆို သုံးပြုနေ မှုအား မြန်မာ(Myanmar) ဟုသာ ခေါ်ဆိုရန် အသိပေးအကြောင်းကြားစာကို ဇွန် ၁ရက်နေ့က ပြည်ထောင်စုရွေးကောက်ပွဲကော်မရှင်က ထုတ်ပြန်ခဲ့ပြီးဖြစ်သဖြင့် ယခုအခါ ဒုတိယအကြိမ်ထပ်မံထုတ် ပြန်ခဲ့ခြင်းဖြစ်ကြောင်းသိရသည်။

ယင်းထုတ်ပြန်ချက်မှာ အောက်ပါအတိုင်းဖြစ်သည်။

ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံ ဥပဒေ အခန်း(၁)၊ ပုဒ်မ ၂ တွင် "နိုင်ငံတော်ကို ပြည်ထောင်စု သမ္မတ မြန်မာနိုင်ငံတော်ဟု ခေါ်တွင်ရမည် (The state shall be known as The Republic of the Union of Myanmar) "ဟု ပြဋ္ဌာန်း ထားပါ သည်။

နိုင်ငံရေး ပါတီများနှင့် စပ်လျဉ်း၍ ဖွဲ့စည်းပုံ အခြေခံဥပဒေ ပုဒ်မ ၄၀၅(ခ)တွင် နိုင်ငံရေးပါတီ တစ်ရပ်သည် ဤဖွဲ့စည်းပုံအခြေခံ ဥပဒေနှင့် တည်ဆဲ ဥပေဒများကို လေးစားလိုက်နာ ရမည်ဟု ပြဋ္ဌာန်းထားပါသည်။ အမျိုးသား ဒီမိုကရေစီ အဖွဲ့ချုပ်(NLD) ပါတီ အနေဖြင့် နိုင်ငံရေး ပါတီများ မှတ်ပုံတင်ခြင်း ဥပဒေ ပုဒ်မ ၆ (ဂ) ပါ"ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံ ဥပဒေကို လေးစား လိုက်နာရေး" ဆိုသည့်အချက်ကို ပါတီမှတ်ပုံတင် လျှောက်ထားစဉ်ကပင် ဝန်ခံချက် ပြုထားပြီး ဖြစ်ပါသည်။

အမျိုးသား ဒီမိုကရေစီ အဖွဲ့ချုပ်ပါတီ၊ ဗဟိုအလုပ် အမှုဆောင် ဥက္ကဌ ဒေါ်အောင်ဆန်းစုကြည် (ပြည်သူ့လွှတ်တော် ကိုယ်စားလှယ်) သည် ထိုင်းနိုင်ငံတွင် ပြုလုပ်သည့် ကမ္ဘာ့စီးပွားရေး ညီလာခံ၌ ၁-၆-၂၀၁၂ ရက်နေ့က မိန့်ခွန်း ပြောကြားရာတွင် မြန်မာနိုင်ငံကို Burma ဟု သုံးနှုန်း ပြောဆိုသွားကြောင်း မီဒီယာများမှ တွေ့မြင် ကြားသိရပါသည်။

နိုင်ငံတော် အမည်ကို ဖွဲ့စည်းပုံ အခြေခံ ဥပဒေတွင် "နိုင်ငံတော်ကို ပြည်ထောင်စု သမ္မတ မြန်မာနိုင်ငံတော်ဟု ခေါ်တွင်ရမည် (The state shall be known as The Republic of the Union of Myanmar) " ဟု ပြဋ္ဌာန်းထားပြီး ဖြစ်၍ Burma ဟု သုံးနှုန်း ပြောဆိုခွင့် မရှိပါ။ နိုင်ငံတော်၏ အမည်ကို ရေးသားရာ၌ ဖွဲ့စည်းပုံ အခြေခံ ဥပဒေပါအတိုင်း "ပြည်ထောင်စု သမ္မတ မြန်မာနိုင်ငံတော် (The Republic of the Union of Myanmar) " ဟု အသုံပြုကြရန်နှင့် ပြောဆိုရာတွင် မြန်မာ(Myanmar)ဟု သာ သုံးနှုန်း ပြောဆိုသွားရန် ပြည်ထောင်စု ရွေးကောက်ပွဲ ကော်မရှင်က ၁-၆-၂၀၁၂ ရက်စွဲပါ စာအမှတ်၊ ၄/နငရ-မပတ (၁)/ကမရ ဖြင့် အမျိုးသား ဒီမိုကရေစီ အဖွဲ့ချုပ်ပါတီသို့ အသိပေး အကြောင်းကြားထားပြီး ဖြစ်ပါသည်။

သို့ရာတွင် အမျိုးသား ဒီမိုကရေစီ အဖွဲ့ချုပ်ပါတီ၊ ဗဟိုအလုပ် အမှုဆောင် ဥက္ကဋ္ဌ ဒေါ်အောင်ဆန်းစုကြည် (ပြည်သူ့လွှတ်တော် ကိုယ်စားလှယ်) သည် ဥရောပ ခရီးစဉ်အတွင်း မိန့်ခွန်းများ ပြောကြားရာ၌လည်း မြန်မာနိုင်ငံကို Burma ဟုသာ သုံးနှုန်း ပြောဆိုနေကြောင်း မီဒီယာများမှ ကြားသိရပြန်ပါသည်။

သို့ဖြစ်ပါ၍ တရားဥပဒေ စိုးမိုးရေးနှင့် ဖွဲ့စည်းပုံ အခြေခံ ဥပဒေကို လေးစား လိုက်နာရေး အတွက် ပြည်ထောင်စု ရွေးကောက်ပွဲ ကော်မရှင် ဥပဒေ ပုဒ်မ ၁၀(ဌ)နှင့်အညီ အမျိုးသား ဒီမိုကရေစီ အဖွဲ့ချုပ် (NLD) သို့ ၂၈-၆-၂၀၁၂ ရက်စွဲပါ စာအမှတ်၊ ၄/နငရ-မပတ (၁)/ကမရ ဖြင့် နိုင်ငံတော်၏ အမည်ကို ဖွဲ့စည်းပုံ အခြေခံ ဥပဒေပါအတိုင်း သုံးနှုန်း ရေးသား/ပြောဆိုရန် ထပ်မံအသိပေး အကြောင်းကြား လိုက်ကြောင်း သတင်း ထုတ်ပြန်အပ်ပါသည် ။
ယင်းထုတ်ပြန်ချက်နှင့်ပတ်သက်၍ အမျိုးသားဒီမိုကရေစီအဖွဲ့ချုပ်ပါတီမှ တာဝန်ရှိသူ ဦးအုန်းကြိုင်က “အဲဒီ့ကိစ္စက ဥက္ကဋ္ဌက သူဘယ်နေရာမှာ  သုံးလဲဆိုတဲ့အပေါ်မှာမူ တည်ပါတယ်။ ဒါနဲ့ပတ်သက်လို့ကတော့ ဥက္ကဋ္ဌကိုယ်တိုင်ပြောတာ ပိုကောင်းပါတယ်။ ဒါလိုသူသုံးနှုန်းခဲ့တာ  ကလဲ သူမှာ အကြောင်းကိစ္စ  ရှိမယ်ထင်ပါတယ် ”ဟုပြောသည်။

by Yangon Media Group

ဒေါ်အောင်ဆန်း စုကြည်ကို ပြင်သစ် လွှတ်တော် ဥက္ကဌအဖြစ် ရွေးချယ် တင်မြှောက် ခံထားရသူ Claude Bartolone က ဇွန် ၂၈ ရက်တွင် တွေ့ဆုံစဉ်။ photo by BBC Burmese

ပြင်သစ် အမျိုးသမီး တဦးအား ဒေါ်အောင်ဆန်း စုကြည် နှုတ်ဆက် နေစဉ်

ပြင်သစ် နိုင်ငံကို ရောက်နေတဲ့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်ဟာ ဒီကနေ့ မှာတော့ သမ္မတဟောင်း နီကိုလာ ဆာကိုဇီနဲ့ တွေ့ဆုံခဲ့ သလို ပြင်သစ် အမျိူးသားလွှတ်တော် ဥက္ကဌအပြင် လွတ်တော် ကိုယ်စားလှယ် တချို့နဲ့လည်း တွေဆုံခဲ့ပါတယ်။ ဒါ့အပြင် ညနေပိုင်းမှာတော့ ပြင်သစ်နိုင်ငံ နာမည်ကြီး ဆော်ဘွန်း (Sorbonne) တက္ကသိုလ်မှာ ကျောင်းသားတွေနဲ့ တွေ့ဆုံပွဲတခုပြုလုပ်ဖို့ ရှိပါတယ်။ ဒီကနေ့ ပြင်သစ်နိုင်ငံက ဒေါ်အောင်ဆန်းစုကြည် ခရီးစဉ် အပြည့်အစုံကိုတော့ မသင်းသီရိက တင်ပြပေးထားပါတယ်။

ဇွန်လ ၂၆ ရက်နေ့က ပြင်သစ်နိုင်ငံကို ရောက်နေတဲ့ ဒေါ်အောင်ဆန်းစုကြည်ဟာ တတိယမြောက်နေ့ ဖြစ်တဲ့ ဒီကနေဇွန်လ ၂၈ ရက် ကြာသာပတေးနေ့ ပြင်သစ်စံတော်ချိန် မနက် အစောပိုင်းမှာတော့ ပြင်သစ် သမ္မတဟောင်း နီကိုလာ ဆာကိုဇီနဲ့  တွေဆုံပါတယ်။ အဲဒီနောက်တော့ ဒေါ်အောင်ဆန်းစုကြည်ဟာ ပြင်သစ်နိုင်ငံ အမျိူးသား လွှတ်တော်ထဲကို သွားခဲ့တဲ့ ဒီကနေ့ အစီအစဉ် တချို့ကိုတော့ ပြင်သစ်အခြေစိုက် လူအခွင့်ရေးနဲ့  ဖွံဖြိူးရေးဆိုင်ရာ လှုပ်ရှားနေတဲ့ CCFD အဖွဲ့က သတင်းနဲ့ ပြန်ကြားရေး ဒါရိုက်တာ Vincent Brossel က ပြောပြပါတယ်။

"ဒီကနေ့ဟာ ဒေါ်အောင်ဆန်းစုကြည်ရဲ့ ပြင်သစ်လာလည်တဲ့ ခရီးစဉ် နောက်ဆုံးနေ့ ဖြစ်ပြီး အစီအစဉ်တွေက တနေ့လုံးအပြည့်ပါပဲ" လို့ ပြင်သစ် ဘာသာစကားနဲ့ ပြောပြသွားတာပါ။

(ဓာတ်ပုံ- AFP-ပြင်သစ်  နိုင်ငံကို ရောက်နေစဉ် အတွင်း အစိုးရ မဟုတ်တဲ့ NGO အဖွဲ့ဝင် များနှင့် ဇွန်လ ၂၇ ရက်နေ့က တွေ့ဆုံပွဲတွင် ဒေါ်အောင်ဆန်းစုကြည်
ကို ရုရှားနိုင်ငံတွင် ထောင်ကျခံနေရသော အတိုက်အခံ Mikhaïl Khodorkovsky ၏ သားဖြစ်သူ Pavel Khodorkovsky (၀ဲ) နှင့် ယူကရိန်းနိုင်ငံက ထောင်ဒဏ်ကျခံနေရသည့် ၀န်ကြီးချုပ်ဟောင်း Yulia Tymoshenko ၏ သမီးဖြစ်သူ Eugenia Tymoshenko (ယာ) တို့နှင့်အတူ တွေ့ရစဉ်။)

ဥရောပခရီးစဉ် နောက်ဆုံးခရီးတစ်ထောက်အဖြစ် ပြင်သစ်နိုင်ငံကို
ရောက်နေတဲ့  မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်က တကမ္ဘာလုံးမှာရှိတဲ့  နိုင်ငံရေးအကျဉ်းသားတွေကို မိမိတို့ ရဲ့ ယုံကြည်ချက် အတွက် လက်မလျှော့ဘဲ တိုက်ပွဲ ၀င်ကြဖို့ တိုက်တွန်းပြောကြားလိုက်ပါတယ်။

ဒေါ်အောင်ဆန်းစုကြည်က လူ့ အခွင့်အရေး လှုပ်ရှားတဲ့ အဖွဲ့ ဝင် ကိုယ်စားလှယ်တွေနဲ့  ပဲရစ်မြို့  စိန်းမြစ်ထဲက ရေယာဉ်တစ်စီးပေါ်မှာ ဗုဒ္ဓဟူးနေ့ က တွေ့ ဆုံခဲ့ပါတယ်။

ဒီတွေ့ ဆုံပွဲမှာ ဒေါ်အောင်ဆန်းစုကြည်ကလူ့ အခွင့်အရေးအဖွဲ့ ကိုယ်စားလှယ်
တွေကို မိမိကိုယ်မိမိလေးစားကြတယ် ဆိုရင် ကိုယ့်ယုံကြည်ချက်ကို မစွန့် လွှတ်ဘဲ တိုက်ပွဲဝင်သွားဖို့  ပြောဆိုပါတယ်။

ဒီပွဲကို ယူကရိန်းနိုင်ငံ က ထောင်ဒဏ်ကျခံနေရတဲ့  ၀န်ကြီးချုပ်ဟောင်း Yulia Tymoshenko ရဲ့  သမီးဖြစ်သူ Eugenia Tymoshenko ၊ ရုရှားနိုင်ငံမှာ ထောင်ကျခံနေရတဲ့  စီပွားရေးလုပ်ငန်းရှင်ဟောင်း လည်းဖြစ် ၊ ရုရှားသမ္မတ ပူတင်ရဲ့  အတိုက်အခံလည်း ဖြစ်တဲ့  Mikhail Khodorkovsky ရဲ့ သားဖြစ်သူ Pavel Khodorkovsky တို့ လည်းပါဝင်ပါတယ်။

Pavel Khodorkovsky က သူ့ ဖခင် က ရေးပေးတဲ့ စာတစောင် ကို ဒေါ်အောင်ဆန်းစုကြည်ထံ ပေးအပ်ခဲ့တယ်လို့ သိရပါတယ်။

RFA Burmese

ထိုင်းနိုင်ငံ အတွင်းရှိ ရွေ့ပြောင်း အလုပ်သမား အမျိုးသမီး ကိုယ်ဝန်ဆောင် အမျိုးသမီး များကို မိခင်နိုင်ငံ သို့ ပြန်လည် ပို့ဆောင်မည်ဟု ယမန်နေ့က ထိုင်းနိုင်ငံထုတ် ဘန်ကောက်ပို့စ် သတင်း၏ ဖော်ပြချက်အပေါ် ရွေ့ပြောင်းမြန်မာ အလုပ်သမား အသိုင်းအ၀ိုင်းများက ဝေဖန်လိုက်သည်။

လူကုန်ကူးမှုတိုက်ဖျက်ရေးနှင့် ကလေးလုပ်သားကာကွယ်ရေးအတွက် ရည်ရွယ်၍ သက်တမ်း မရင့်သေးသူ ကိုယ်ဝန်ဆောင်များကို ပြန်ပို့မည်ဖြစ်ပြီး ကလေးမွေးဖွားပြီးပါက ထိုင်းနိုင်ငံသို့ ပြန်လာအလုပ်လုပ် ကိုင်နိုင် ကြောင်းကို ထိုင်းအလုပ်သမားဝန်ကြီး ပါဒါချမ်ဆာဆွမ်ဆပ်က ထိုင်းလွှတ်တော်တစ်ခုတွင် ယင်းကဲ့သို့ အဆိုတင်သွင်းခဲ့ကြောင်း ဘန်ကောက်ပို့စ် သတင်းတွင် ဖော်ပြထားခြင်းဖြစ်သည်။

သို့သော် ရွေ့ပြောင်းအလုပ်သမား ကိုယ်ဝန်ဆောင်အမျိုးသမီးများအား မည်သည့်နေ့ရက်တွင် ပြန်ပို့မည်ကို ဖော်ပြထားခြင်း မရှိပေ။

ရွှေ့ပြောင်းမြန်မာများကို အခမဲ့ ဆေးကုပေးလျှက်ရှိသည့် ထိုင်း-မြန်မာနယ်စပ်အခြေစိုက် မယ်တော်ဆေးခန်း ၏ ဒါရိုက်တာ ဒေါက်တာ စင်သီယာမောင်က ထိုင်းအစိုးရ၏ အစီအစဉ်ကို စိုးရိမ်လျှက်ရှိကြောင်း ကေအိုင်စီသို့ ယခုလို ပြောသည်။

“ဒီ(ထိုင်းနိုင်ငံ)မှာ မွေးခွင့်မပေးဘူးဆိုရင်တော့ တချို့ ကိုယ်ဝန်ဖျက်ချမှာပေါ့နော်။ တချို့ကလည်း ဒီမှာ မွေးလို့ မရဘူးဆိုလို့ မြန်မာပြည်ပြန်လိုက်မယ်ဆိုရင် ကလေးမွေးဖွားဖို့ ဆေးရုံ၊ ဆေးခန်းတွေကို ဘယ်လိုသွားရမှာလဲ။ အများစုက အိမ်မှာမွေးကြတာများတော့ အရေးပေါ်အခြေအနေဖြစ်လို့ ကုန်ကျစရိတ်မရှိဘူးဆိုရင် ကိုယ်ဝန် သည်တွေ အသက်ဆုံးရှုံးရမှာပေါ့။”ဟု ပြောသည်။

ရောင်ခြည်ဦးအလုပ်သမားအဖွဲ့ ကိုထွေးနိုင်က ရွေ့ပြောင်းအလုပ်သမားများ ထိုင်းနိုင်ငံတွင် တရားဝင်နေထိုင် ရန် အလုပ်သမားလက်မှတ် လုပ်ဆောင်ရာ၌ သက်ဆိုင်ရာ ထိုင်းအစိုးရဌာနများသို့ ၀န်ဆောင်ခ ပေးဆောင်မှုရှိ ကြောင်း ယခုလို ရှင်းပြသည်။

သူက “အလုပ်သမားတွေက တရားဝင်လက်မှတ်လုပ်ပြီဆိုကတည်းက ဆေးရုံတွေမှာ ဆေးစစ်ခပေးထားပြီး သားဖြစ်တယ်။ နောက် ကလေးမီးဖွားစရိတ်တို့၊ ကျန်းမာရေး စောင့်ရှောက်ခွင့်စရိတ်တို့ပေးထားပြီးသားပဲ။” ဟု ပြောသည်။

တဆက်တည်း၌ပင် ဘန်ကောက်ပို့စ်၌ ဖော်ပြချက်အရ ၎င်းအဆိုပြုချက်သည် အခြေခံလူ့အခွင့်အရေးကို ချိုးဖောက်ရာရောက်ကြောင်းနှင့် ကလေးအလုပ်သမားများကို ဖြေရှင်းခြင်း နည်းလမ်းမဟုတ်ဟုလည်း အလုပ်သမားအရေးဆောင်ရွက်ပေးနေသူ ထိုင်းလူမျိုး အဒီဆွန်က လွှတ်တော်ထဲတွင် ပြောကြားခဲ့ သည်ဟုလည်း ပါရှိသည်။

ထိုင်းနိုင်ငံရှိ ရွေ့ပြောင်းအလုပ်သမားများသည် တစ်နှစ်လျှင် အလုပ်သမားလက်မှတ် (work permit) ပြုလုပ် မည်ဆိုပါက ကျန်းမာရေးဝန်ဆောင်မှုအဖြစ် ဆေးရုံသို့ ဘတ်ငွေ ၁,၉၀၀ နှင့် အလုပ်သမားတစ်နှစ်စာ သက်တမ်းအတွက် ၀န်ဆောင်ခ ဘတ် ၁,၀၀၀ ပေးဆောင်ရသည်ဟု သိရသည်။

ထိုင်း-မြန်မာနယ်စပ် မဲဆောက်ဒေသတခုတည်းတွင် နှစ်စဉ်နှစ်တိုင်းတွင် အလုပ်သမားကိုယ်ဝန်ဆောင်အမျိုး သမီးဦးရေ ၃,၀၀၀ ၀န်းကျင်ကို မယ်တော်ဆေးခန်းမှ ကလေးမီးဖွားပေးလျှက်ရှိသည်ဟု ဒေါက်တာ စင်သီယာမောင်က ပြောသည်။

ကေအိုင်စီ

မြန်မာ့ ဒီမိုကရေ စီခေါင်းဆောင် ဒေါ်အောင်ဆန်း စုကြည်ဟာ ၂၀၀၄ ခုနှစ်မှာ သူ့ကို ချီးမြှင့် ထားတဲ့ ပါရီမြို့ ဂုဏ်ထူးဆောင် မြို့သား ဘွဲ့ကို ဒီကနေ့မှာ လက်ခံရ ယူလိုက် ပါတယ်။

ဒီ့မတိုင်ခင်မှာတော့ ဒေါ်အောင်ဆန်းစုကြည်ဟာ ပြင်သစ်ရောက် မြန်မာ
တိုင်းရင်းသားအယောက် ၁၅၀ နဲ့ ပဲရစ်မြို့တော်ခန်းမမှာ တွေ့ဆုံတယ် လို့ သိရပါတယ်။

ညနေပိုင်းမှာ ပြင်သစ်နိုင်ငံခြားရေးဝန်ကြီး Laurent Fabius အပါအ၀င် အစိုးရ ထိပ်တန်းအရာရှိတွေနဲ့ ညစာစားပွဲမှာတွေ့ဆုံမယ် လို့ ဒေါ်အောင်ဆန်းစုကြည်နဲ့အတူ ခရီးစဉ်မှာလိုက်ပါသွားတဲ့ ဦးခွန်သာမြင့် က ပြောပါတယ်။

မနေ့ကတော့ ဒေါ်အောင်ဆန်းစုကြည်နဲ့အတူ ပြင်သစ် သမ္မတ Francois Hollande က Elysee နန်းတော်မှာ ပူးတွဲသတင်းစာရှင်းလင်းပွဲပြုလုပ်ခဲ့ပြီး၊
ပြင်သစ်နိုင်ငံအနေနဲ့မြန်မာ့ဒီမိုကရေစီရေးပြောင်းလဲမှုတွေကို အားပေးထောက်ခံသွားမယ်လို့ သမ္မတ Francois Hollande က ပြောကြား ခဲ့ပါတယ်။

ဒါ့အပြင် မြန်မာနိုင်ငံမှာ ဒီမိုကရေစီရေး ပြုပြင်ပြောင်းလဲမှုလိုလားသူ လူပုဂ္ဂိုလ်တွေ၊ အဖွဲ့အစည်းတွေအားလုံး ကို ပြင်သစ်အစိုးရအနေနဲ့
ထောက်ခံသွားမှာဖြစ်သလို၊ ဥရောပသမဂ္ဂနဲ့ လက်တွဲဆောင်ရွက်သွားမယ် လို့ လည်း ပြင်သစ်သမ္မတကပြောပါတယ်။

အဲဒီ သတင်းစာရှင်းလင်းပွဲမှာ ဒေါ်အောင်ဆန်းစုကြည်ကလည်း
- မြန်မာနိုင်ငံက အပြောင်းအလဲတွေ ရှေ့ဆက်တိုးနိုင်ဖို့အတွက်
မြန်မာအစိုးရကို ဒီထက်ပိုပြီး တိုက်တွန်းသွားဖို့လိုနေသေးကြောင်း၊ သမ္မတ ဦးသိန်းစိန်ဟာ တကယ်ကို အပြောင်းအလဲလိုသားသူအဖြစ် သူ့အနေနဲ့ ယုံကြည်ကြောင်း၊ ဒါပေမယ့် အစိုးရတစ်ဖွဲ့လုံးအတွက်တော့ ပြောဖို့
ခက်ကြောင်း ပြောခဲ့ပါတယ်။

ဒါ့အပြင် မြန်မာ့ တပ်မတော်ကအပြောင်းအလဲကိုလက်ခံမှသာ အာမခံချက်
ရှိတဲ့ ဒီမိုကရေစီလမ်းကြောင်းကို ရှေ့ဆက်သွားနိုင်မှာဖြစ်ကြောင်း
ဒေါ်အောင်ဆန်းစုကြည်က ပြောခဲ့ပါတယ်။

ဒေါ်အောင်ဆန်းစုကြည်ဟာ သူ့ရဲ့ ဥရောပခရီးစဉ်အတွင်း နောက်ဆုံးနိုင်ငံ
အဖြစ် ပြင်သစ်နိုင်ငံကို ရောက်နေတာဖြစ်ပြီး ၂၉ ရက်နေ့မှာ မြန်မာနိုင်ငံ
ကိုပြန်မယ်လို့သိရပါတယ်။

ပါရီ၊ ဇွန် - ၂၇
ပြင်သစ် သမ္မတ ဖရန်ှဆွာ ဟော်လန် ဒီက ပြင်သစ်သည် မြန်မာ့ ဒီမိုကရေ စီအပြောင်း အလဲတွင် ပါဝင် ဆောင်ရွက် သူအားလုံးကို ထောက်ခံ သွားမည်ဖြစ်ကြောင်းနှင့် မြန်မာ၏ ပြုပြင်ပြောင်းလဲရေးသမ္မတ ဦးသိန်းစိန်ကိုလည်း ပြင်သစ်သို့ လာလည်ချင်ပါက ကြိုဆိုရန်အသင့်ဖြစ်ကြောင်းပြောကြားလိုက်သည်။


သမ္မတဟော်လန်ဒီသည် ဒေါ်အောင်ဆန်းစုကြည်နှင့်တွေ့ဆုံပြီးနောက် မီဒီယာသို့ `ဒီနေရာမှာ ကျွန်တော် ထပ်ပြီး အတည်ပြုပါတယ်။ ပြင်သစ်ဟာ မြန်မာရဲ့ ဒီမိုကရေစီအကူးအပြောင်းမှာ ပါဝင်ခဲ့သူအားလုံးကို ထောက်ခံသွားမှာပါ။ ဒီဖြစ်စဉ် ဆုံးခန်းတိုင်ပြီး ပြည့်ဝတဲ့ဒီမိုကရေစီဖြစ်အောင် ဥရောပသမဂ္ဂနဲ့အတူ ဖြစ်နိုင်သမျှ အရာအားလုံးကို လုပ်ကိုင် ဆောင်ရွက်သွားမှာပါ´ဟုပြောသည်။

၎င်းက သမ္မတဦးသိန်းစိန်နှင့်ပတ်သက်၍ `သူလာရောက်လည်ပတ်ချင်တယ်ဆို လာဖြစ်မှာပါ´ဟု ဒေါ်အောင်ဆန်းစုကြည်က သမ္မတသည် မြန်မာ့ဒီမိုကရေစီအရေးနှင့်ပတ်သက်၍ ရိုးသားမှုရှိကြောင်း ၄င်းအား ပြောခဲ့သည်ကို ထပ်ဖြည့်ပြောဆိုသည်။

သမ္မတဟော်လန်ဒီက “ပြင်သစ်ဟာ ဒီမိုကရေစီအကျိုးအတွက် အဆင်သင့်ဖြစ်နေရပါမယ်။ လိုအပ်သမျှအရာတွေဖြစ်တဲ့ ထောက်ခံမှုပေးရေး၊ လိုအပ်ရင် ဖိအားပေးရေး စတာတွေကိုလုပ်ဆောင်ရပါမယ်”ဟုဆိုသည်။

ဗြိတိန်သည် ယမန်နေ့က သမ္မတဦးသိန်းစိန်အား လာရောက်လည်ပတ်ရန် ဖိတ်ကြားခဲ့ပြီးဖြစ်သည်။ ဒေါ်အောင်ဆန်းစုကြည်သည် ပြင်သစ်၌ သုံးရက်ကြာ နေထိုင်စဉ် ပြင်သစ်နိုင်ငံရေးခေါင်းဆောင်များ၊ လူ့အခွင့်အရေး လှုပ်ရှားသူများ၊ ဒေသခံမြန်မာများကို တွေ့ဆုံသွားရန်ရှိသည်။
__ Ref; AFP
7Day News Journal

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အား ပြင်သစ်နိုင်ငံ ပဲရစ်မြို့ သမ္မတနန်းတော်၌ ပြင်သစ်သမ္မတ ဖရန်ဆွာဟော်လန်ဒီက ကြိုဆိုနေသည်ကို ဇွန်လ ၂၆ ရက်က တွေ့ရစဉ်။ အစိမ်းရောင်ဝတ်စုံနှင့် အ၀ါရောင်ပန်းများ ပန်ဆင်ထားသော ဒေါ်အောင်ဆန်းစုကြည်အား ပြင်သစ်နိုင်ငံ မြန်မာအသိုင်းအ၀ိုင်းနှင့် လူ့အခွင့်အရေးအဖွဲ့များက ကြိုဆိုခဲ့ကြသည်။ ဒေါ်အောင်ဆန်းစုကြည်သည် သူမ၏ သမိုင်းဝင် ဥရောပခရီးစဉ်အတွင်း ဆွစ်ဇာလန်၊ အိုင်ယာလန်၊ နော်ဝေနှင့် ဗြိတိန်နိုင်ငံတို့သို့ ရောက်ရှိခဲ့ပြီး ဗြိတိန်မှ ပြင်သစ်သို့ ရထားစီးလာခဲ့ခြင်းဖြစ်သည်။
ဓာတ်ပုံ- Getty Image

ပြင်သစ် သမ္မတ Francois Hollande က မြန်မာ နိုင်ငံက ပြုပြင် ပြောင်းလဲ ရေး မှာ ပါဝင်လုပ် ဆောင်ကြသူ အားလုံးကို ထောက်ခံ ပန့်ပိုးပေး သွားမှာ
ဖြစ်ကြောင်း မြန်မာ့ ဒီမိုကရေ စီခေါင်းဆောင် ဒေါ်အောင်ဆန်း စုကြည်ကို ပြောကြားလိုက်ပါတယ်။

မြန်မာသမ္မတ ဦးသိန်းစိန်ကိုလည်း ပြင်သစ်နိုင်ငံကို လာရောက် လည်ပတ် လိုမယ် ဆိုရင် ဖိတ်ခေါ်ဖို့ အဆင့်သင့် ရှိကြောင်းလည်း ပြင်သစ်သမ္မတက
ပြောပါတယ်။

ဒေါ်အောင်ဆန်းစုကြည်က မြန်မာနိုင်ငံရဲ့ စီးပွားရေးအကြပ်အတည်းတွေ အတွက် နိုင်ငံခြား ရင်းနှီးမြုပ်နှံမှုတွေကို ဖိတ်ခေါ်ပေမဲ့ ဒီမိုကရေစီ
ပြုပြင်ပြောင်းလဲရေး ကိုတော့ အထိခိုက်ခံမှာ မဟုတ်ကြောင်း ပြောဆို
ပါတယ်။

"ကျွန်မတို့ဟာ ဒီမိုကရေစီကို လိုအပ်သလို စီးပွားရေး ဖွံ့ဖြိုးတိုးတက်မှု
ကိုလည်း လိုအပ်ပါတယ်။ ဒီမိုကရေစီကို ဖွံ့ဖြိုးတိုးတက်မှုနဲ့ အစားထိုးလို့ မရပါဘူး။ ဒီမိုကရေစီ အုတ်မြစ် ခိုင်မာရေးအတွက်သာ ဒီဖွံ့ဖြိုးတိုးတက်မှုကို အသုံးချသွားရမှာ ဖြစ်ပါတယ်။ " - လို့ ဒေါ်အောင်ဆန်းစုကြည်က ပြောပါတယ်။

ရင်းနှီးမြုပ်နှံမှုမှာလည်း ဘဏ္ဍာရေးအရ ပွင့်လင်းမြင်သာမှု ရှိဖို့ ဟာ မရှိမဖြစ် လိုအပ်တယ်လို့လည်း ဒေါ်အောင်ဆန်းစုကြည်က ပြောပါတယ်။

သမ္မတကြီး ဦးသိန်းစိန်ဟာ ရိုးသားဖြောင့်မတ် တည်ကြည်သူလို့ သူ ယုံကြည်တဲ့ အကြောင်း၊ ဒါပေမဲ့ အစိုးရအဖွဲ့ထဲက လူအားလုံးအတွက်တော့ အာမ မခံနိုင်တဲ့ အကြောင်း၊ စစ်တပ်က အလေးအနက် ပါဝင် လုပ်ဆောင်
လာတဲ့ အချိန်ကျမှ သာလျှင် နောက်ကြောင်း ပြန်မလှည့်နိုင်တော့တဲ့
ပြောင်းလဲမှုလို့ ပြောနိုင်မှာ ဖြစ်တဲ့ အကြောင်းကိုလည်း
ဒေါ်အောင်ဆန်းစုကြည်က ပြောသွားပါတယ်။

ဇွန်လ ၁၃ ရက်နေ့က စတင်ခဲ့တဲ့ ဒေါ်အောင်ဆန်းစုကြည်ရဲ့ ဥရောပခရီးစဉ် အတွင်းမှာ ရခိုင်ပြည်နယ်အတွင်းက ပဋိပက္ခတွေကလည်း ဆက်တိုက်
ဖြစ်ပေါ်နေတဲ့ အတွက် ဒီကိစ္စတွေအပေါ် ဒေါ်အောင်ဆန်းစုကြည်ရဲ့ သဘောထားကို သတင်းထောက်တွေက မေးမြန်းခဲ့ကြပါတယ်။

ပြည်တွင်းက အကြမ်းဖက်မှုတွေနဲ့ ပတ်သက်ပြီး မေးမြန်းရာမှာ
ဒေါ်အောင်ဆန်းစုကြည်က- - လူမှုရေး မတည်ငြိမ်မှုတွေကို ဖြေရှင်းနိုင်ဖို့ အတွက် ဒီမိုကရေစီကျတဲ့ ပြုပြင်ပြောင်းလဲရေးက အဓိက ကျကြောင်း
ပြောပါတယ်။ ဗုဒ္ဓဘာသာဝင်တွေနဲ့ မွတ်စလင်တွေ အကြား အမှန်တကယ် ငြိမ်းငြိမ်းချမ်းချမ်း အဆင်ပြေပြေ ရှိစေဖို့အတွက်ကတော့ အချိန်ယူရလိမ့်အုန်းမှာ ဖြစ်ကြောင်း၊ အခု လတ်တလော အချိန်မှာ အရေးကြီးဆုံး လုပ်ဆောင်ရမှာက တရားဥပဒေစိုးမိုးရေး ဖြစ်ပေါ်ဖို့
ဖြစ်ကြောင်း၊ နိုင်ငံသားဆိုင်ရာ ဥပဒေတွေကိုလည်း နိုင်ငံတကာအဆင့်နဲ့ အညီချမှတ်ဆောင်ရွက်ရမှာ ဖြစ်ကြောင်း ဒေါ်အောင်ဆန်းစုကြည်က
ဖြေကြားသွားပါတယ်။

RFA Burmese

ဒေါ်အောင်ဆန်းစုကြည်နှင့် ပြင်သစ်သမ္မတ Francois Hollandeတို့ ၂နိုင်ငံ သတင်းစာ ရှင်းလင်းပွဲမှာ တွေ့မြင်ရစဉ်

လူထု ခေါင်းဆောင် ဒေါ်အောင်ဆန်း စုကြည်အား  ပြင်သစ် နိုင်ငံမှ နိုင်ငံတော် အထူး ဧည့်သည် အဖြစ်ကြို ဆိုမည်။

ဒေါ်အောင်ဆန်း စုကြည်ရဲ့ သမိုင်း ၀င် ပြင်သစ် ခရီးစဉ်ကို ယနေ့နေ့ လည်ပိုင်းတွင် အင်္ဂလန် နိုင်ငံမှ ပြင်သစ်နိုင်ငံ ပဲရစ်မြို့သို့  ရထားဖြင့် ထွက်ခွာမှာဖြစ်ပါတယ်။

ဒေါ်အောင်ဆန်းစုကြည်အား ညနေပိုင်းတွင် ပြင်သစ်သမ္မတကကြိုဆိုတွေ့ဆုံပြီး Elyseeနန်းတော်မှာ ပြင်သစ်သမ္မတနှင့် ညစာစားပြီး သတင်းစာရှင်းလင်းပွဲတရပ်ပြုမှာဖြစ်ပါတယ်။

ဒေါ်အောင်ဆန်းစုကြည်အား ပြင်သစ်နိုင်ငံရဲ့ ကြီးကျယ်မြင့်မြတ်သော နိုင်ငံတော်ဧည့်သည်အဖြစ်ကြိုဆိုဂုဏ်ပြုမှာဖြစ်တယ်လို့ ပြင်သစ်နိုင်ငံခြားရေးဝန်ကြီးဌာနက ကြေညာထားပါတယ်။

ဒေါ်အောင်ဆန်းစုကြည်သည် ပြင်သစ်နိုင်ငံမှာ(၃)ရက်ကြာနေထိုင်ပြီး ပဲရစ်မြို့တော်ဝန် Bertrand Delanoeက ဂုဏ်ထူးဆောင်ပြင်သစ်နိုင်ငံသားဆုကိုပေးကို ပေးအပ်ချီးမြှင့်မှာဖြစ်ပါတယ်။

ပြင်သစ်နိုင်ငံခြားရေးဝန်ကြီးLaurent Fabiusနှင့် သီးသန့်တွေ့ဆုံမှာဖြစ်ပါတယ်။

၁၃ရာစုနှစ်စတင်တည်ထောင်ခဲ့တဲ့ ပြင်သစ်နိုင်ငံရဲ့နာမည်ကျော် Sorbonne တက္ကသိုလ်မှာ ပြင်သစ်ကျောင်းသား/သူများနှင့်တွေ့ဆုံပြီး ဒေါ်အောင်ဆန်းကြည်က ဟောပြောပို့ချမှာဖြစ်ပါတယ်။

Aung Pan - Facebook

ရခိုင်ပြည်နယ် ဂွမြို့  အနီးတွင်ရှ်ိသော ကျွန်းတစ်ကျွန်းတွင် တရားမ၀င် ၀င်ရောက် လာသည့် ဘင်္ဂါလီလူမျိုး ၁၀၀ နီးပါးကို ဖမ်းဆီးရမိခဲ့ကြောင်း သိရသည်။

အဆိုပါ တရားမ၀င် ၀င်ရောက်လာသည့် လူများအနက် အချို့ကို စက်လှေတစ်စင်းပေါ်တွင် တွေ့ရှိခဲ့ကြောင်း ဂွမြို့တွင် ငါးဖမ်းရှာနေသည့် ဒေသခံရေလုပ်သား အချို့က တွေ့ရှိခဲ့ရာ တာဝန်သိ ဒေသခံများက သက်ဆိုင်ရာသို့ အကြောင်းကြားခဲ့ကြောင်း ယင်းအကြောင်းကြားမှုကြောင့် သက်ဆိုင်ရာ တာဝန်ရှိသူများသည် အဆိုပါကျွန်းသို့  ထွက်ခွာပြီး လိုက်လံ ရှာဖွေရှာ တရားမ၀င် ၀င်ရောက်လာသူ လူဦးရေ ၁၀၀ နီးပါးခန့်ကို တွေ့ရှိခဲ့သဖြင့် ယင်းတို့ကို ဂွမြို့သို့ ဖမ်းဆီး ခေါ်ဆောင်လာခဲ့ကြောင်း သိရသည်။

"လူတွေကများတော့ အတိအကျ စာရင်းကို ကျွန်တော်တို့မရလိုက်ဘူး ဖမ်းဆီးလာတဲ့သူတွေကို သက်ဆိုင်ရာက ကားပေါ်တင်ခေါ်တဲ့အချိန်မှာ ရေတွက်ကြည့်လိုက်တာတော့ ၈၈ ဦး တွေ့ခဲ့ရပါတယ် သူတို့ကို သက်ဆိုင်ရာ တာဝန်ရှိသူတွေက သံတွဲရဲစခန်းကို ပို့ဆောင် လိုက်တယ်လို့ သိရပါတယ်  ၊သူတို့ ဘယ်ကနေ၀င်လာပြီးတော့ ဒီကျွန်းကို ဘယ်အချိန်ကတည်းကရောက်နေတာကိုတော့ ကျွန်တော်တို့လည်း အတိအကျမသိရသေးပါဘူး  " ဟု ငါးဖမ်းစက်လှေပိုင်ရှင် ဒေသခံတစ်ဦးက Flower News သို့ပြောကြားသည်။

ယင်းနှင့်ပတ်သက်၍ ရန်ကုန်မီဒီယာဂရုပ်မှ ရခိုင်ပြည်နယ် အစိုးရအဖွဲ့သို့ ဆက်သွယ်မေးမြန်းရာ တာဝန်ရှိသူတစ်ဦးက "ဒီသတင်းဟာ မှန်ကန်ပါတယ် လူ ၁၀၀ နီးပါးလောက် ရှိမယ်လို့ သတင်းရထားပါတယ် ဒီလူတွေကို အခုဆိုရင် သံတွဲရဲစခန်းက ဥပဒေနဲ့အညီ အရေးယူဆောင်ရွက်ဖို့ စီစဉ်နေပါတယ်   " ဟု ပြောကြားသည်။

ဂွမြို့သို့ တရားမ၀င် ၀င်ရောက်လာသူများကို တွေ့ရှိခဲ့သည့် အဆိုပါကျွန်းကို ရောက်ရှိရန် ဂွမြို့မှ စက်လှေဖြင့် တစ်နာရီ ခန့် အချိန်ယူပြီးသွားလာရကြောင်း သိရသည်။

"ပြည်သူတစ်ဦးအနေနဲ့ ပြောချင်တာက ယခုဆိုရင် ရခိုင်ပြည်နယ်ရဲ့ အခြေအနေဟာ ယခုအချိန်အထိ ယခင်လို မဖြစ်သေးတာကိုလည်း ကြားနေရပါတယ် အထူးသဖြင့် ဒီလို တရားမ၀င် ၀င်ရောက်လာတဲ့ လူတွေကို စနစ်တကျ မှန်မှန်ကန်ကန် စစ်ဆေးဖော်ထုတ် အရေးယူဖို့ လိုအပ်ပါတယ်။ အထူးသဖြင့် လုံခြုံရေးကို ယခင်ထက် ပိုပြီးတော့ တင်းတင်းကျပ်ကျပ်ဆောင်ရွက် ဖို့လည်း လိုအပ်လာပါလိမ့်မယ် ဘာဖြစ်လို့လဲဆိုတော့ ရခိုင်ပြည်ဟာ ဘင်္ဂလားပင်လယ် အနီးမှာရှိတဲ့အတွက် တရားမ၀င် ၀င်ရောက်လာတဲ့   သူအများစု ဟာလည်း ရေကြောင်းကို အသုံးပြုပြီးတော့ ၀င်ရောက်နေကြတာကို ယခင်ကလည်း ကြားသိနေရသလို ယခုဆိုရင်လည်း ကျွန်တော်တို့ ဂွ မြို့ဘက်ကိုတောင် ၀င်ရောက်လာတာကို တွေ့နေရပြီဖြစ်တဲ့ အတွက်  နောက်နောင် ဒီလိုမျိုး ကိစ္စတွေ ထပ်မံမပေါ်ပေါက်လာဖို့ကတော့ နိုင်ငံတော် အစိုးရအနေနဲ့လည်း ရေပြင်လုံခြုံရေးကို တင်းတင်းကျပ်ကျပ် ဆောင်ရွက်ဖို့လိုသလို ပြည်သူတွေအနေနဲ့လည်း ပူးပေါင်းဆောင်ရွက်ဖို့ အရေးတကြီးလိုအပ်နေပြီလို့ ကျွန်တော် မြင်ပါတယ် " ဟု စက်လှေပိုင်ရှင်  ဂွမြို့ဒေသခံတစ်ဦး က အကြံပြုပြောကြားသည်။

စောမြင့်သန်း(ပေါက်တော)( Yangon Media Group)

ဘင်္ဂါလီလူမျိုး တဦးအားတွေ့ ရစဉ် ဓါတ်ပုံ-Google Images

ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌ မီးရထားဝန်ကြီး ဦးအောင်မင်း ဦးဆောင်တဲ့ အဖွဲ့နဲ့ လူ့ဘောင်သစ် ဒီမိုကရက် တစ်ပါတီ ကိုယ်စားလှယ် အဖွဲ့တို့ဟာ ထိုင်းနိုင်ငံ ဘန်ကောက်မြို့ Grand Four Wings ဟော်တယ်မှာ တွေ့ဆုံနေကြစဉ်။

ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌ မီးရထားဝန်ကြီးဦးအောင်မင်း ဦးဆောင်တဲ့ အဖွဲ့နဲ့ လူ့ဘောင်သစ် ဒီမိုကရက်တစ်ပါတီ ကိုယ်စားလှယ်အဖွဲ့တို့ဟာ ထိုင်းနိုင်ငံ ဘန်ကောက်မြို့ Grand Four Wings ဟော်တယ်မှာ ဒီကနေ့ နေ့လည်(၂)နာရီက ဒုတိယ အကြိမ်မြောက် တွေ့ဆုံဆွေးနွေးခဲ့တယ်လို့ သိရပါတယ်။
ဒီအကြောင်း RFA သတင်းထောက် ဦးအောင်မြတ်စိုးက သတင်း ပေးပို့ ပါတယ်။

လူ့ဘောင်သစ်ဒီမိုကရက်တစ်ပါတီ မတရားအသင်း အဖြစ် သတ်မှတ်ခံထား ရမှုကို ပယ်ဖျက်ရေးနဲ့ မြန်မာပြည်တွင်း လူ့ဘောင်သစ် ပါတီပြန်လည် အခြေချရေးတို့ကို ဒီကနေ့ ဆွေးနွေးပွဲမှာ အဓိကထား ဆွေးနွေးခဲ့တယ်လို့ ပါတီအထွေထွေ အတွင်းရေးမှူး ဦးငွေလင်းက အခုလိုပြောပါတယ်။

မြန်မာနိုင်ငံက အလုပ်လက်မဲ့ ပြဿနာနဲ့ ဆင်းရဲမှု တိုက်ဖျက်ရေး အစီစဉ်တွေမှာ နိုင်ငံတကာက အကူအညီတွေ ပိုပြီးရလာဖို့အတွက် လမ်းကြောင်းတွေ ပိုပြီးပွင့်လာအောင် အစိုးရအနေနဲ့ ဆောင်ရွက် မှာ ဖြစ်တယ်လို့ ပျဉ်းမနားနေပြည်တော်မှာ ဒီကနေ့ စတင်ကျင်းပနေ တဲ့ လူမှုကာကွယ် စောင့်ရှောက်ရေးဆိုင်ရာ ညီလာခံမှာ သမ္မတ ဦးသိန်းစိန်က ပြောကြားလိုက်ပါတယ်။

Photo:Myanmar President Office Web site
၂၀၁၂ ခုနှစ် ဇွန်လ ၂၅ ရက်က နေပြည်တော်တွင်
ကျင်းပနေသည့် လူမှုကာကွယ် စောင့်ရှောက်ရေး
ဆိုင်ရာ ညီလာခံ၌ သမ္မတ ဦးသိန်းစိန် မိန့်ခွန်းပြော
ကြားနေစဉ်။

နှစ်ရက်ကြာ ကျင်းပမယ့် အဲဒီညီလာခံကို တက်ရောက်နေတဲ့ မင်္ဂလာမြန်မာအဖွဲ့က ညှိနှိုင်းရေးမှူး မမြတ်စုက သမ္မတမိန့်ခွန်းနဲ့ ပတ်သက်လို့ ပြောပြတာက -
"သမ္မတကြီးအနေနဲ့ သူ့အနေနဲ့ပေါ့၊ ဒီမြန်မာနိုင်ငံမှာ အခုတံခါးဖွင့်ပေးနေတယ်ပေါ့နော်၊ တခါးဖွင့်ပေးနေတဲ့ အတွက် ပြည်ပက အကူအညီပေးဖို့ အဓိကအားဖြင့် အလုပ်လက်မဲ့တွေ၊ ဝင်ငွေနိမ့်ပြည်သူတွေကို အကူအညီပေးဖို့ အတွက်ပေါ့၊ လူမှုရေး အကာအကွယ် လုပ်ပေးဖို့ အတွက်ပေါ့။ နောက်တစ်ခုက တတိယဦးစားပေးပေါ့နော်၊ မက်ခရိုအဆင့် လူမှုရေးတွေကိုလည်း ကောင်းအောင်လုပ်ပေးပါ အဲဒီလိုပြောသွားပါတယ်ရှင့်"
အခုလို အစိုးရအနေနဲ့ နိုင်ငံတကာ အကူအညီတွေ ပိုပြီးရလာဖို့ လမ်းကြောင်းတွေ ဖွင့်ပေးမယ်ဆိုရင် မြန်မာနိုင်ငံမှာ အကူအညီ လိုအပ်နေတဲ့ ကလေးသူငယ်တွေကို အရင်ကထက် ပိုပြီး ကာကွယ် စောင့်ရှောက်လာနိုင်မယ်လို့ မျှော်လင့်ကြောင်းလည်း မမြတ်စုက ပြောပါတယ်။
သမ္မတရဲ့အဖွင့်မိန့်ခွန်းမှာ မြန်မာနိုင်ငံဟာ ဖွံ့ဖြိုးမှု နောက်ကျနေ ဆဲ ဖြစ်တာကြောင့် ကျေးလက်နေ ပြည်သူတွေနဲ့ နယ်စပ်ဒေသက တိုင်းရင်းသား နယ်မြေတွေမှာ ဆင်းရဲမွဲတေမှုဟာ မြို့ပြဒေသတွေနဲ့ ကွာဟမှုတွေ ရှိနေသေးကြောင်း၊ ဒါ့အပြင် ၀င်ငွေကွာဟမှု ကြီးမားနေ တာကြောင့် ဆင်းရဲသားတွေရဲ့ လူမှုဖူလုံရေးအတွက် အားလုံး လက်တွဲ လုပ်ဆောင်မှ ရမယ့်အခြေအနေ ဖြစ်ကြောင်း ထည့်သွင်း ပြောဆိုသွား ပါတယ်။
ဒီညီလာခံကို အမေရိကန်ပြည်ထောင်စု အခြေစိုက် National Democratic Institute နဲ့ ကုလသမဂ္ဂ လက်အောက် UNICEF တို့က ဦးစီးကျင်းပတာဖြစ်ပြီး နိုင်ငံတကာ အဖွဲ့အစည်းတွေ ပညာရှင်တွေနဲ့ အစိုးရ ၀န်ကြီးဌာန ပေါင်းစုံက တာဝန်ရှိသူတွေ အပြင် လူမှုအဖွဲ့ အစည်း ပေါင်းစုံက ကိုယ်စားလှယ်တွေ တက်ရောက်ခဲ့ကြပါတယ်။

ရခိုင်ပြည် နယ်တွင် ပေါ်ပေါက် ခဲ့သော ဆူပူအ ကြမ်းဖက်မူ များကြောင့် မြန်မာ ဘက်ကို မပြန်နိုင်ဘဲ ဘင်္ဂလာ ဒေခ်ျ့နိုင်ငံတွင် သောင်တင်နေသူ မြန်မာနိုင်ငံမှ စီးပွားရေးသမား ၄၄ ဦးကို ဇွန်လ ၂၄ ရက်နေ့က တက်ကနက်မြို့မှ တဆင့် မောင်တောသို့ ပြန်လည်ပို့ဆောင်လိုက်သည်။

ဘင်္ဂလားဒေ့ခ်ျ လူဝင်မှုကြီး ကြပ်ရေးဌာနမှ သောင်တင်နေသော မြန်မာ စီးပွားရေးသမား ၄၄ ဦးကို တရားဝင်ပြန်လည် ပို့ဆောင် လိုက်ခြင်း ဖြစ်ကြောင်း  တက်ကနက် ဆိပ်ကမ်း ဌာနမှ တာဝန်ရှိပုဂ္ဂိုလ် အာဘဒူလ် ကာဒဲလ်ကတ်က ဒေသခံ သတင်းထောက်များသို့ ပြောသည်။

“ဇွန်လ ၂၄ ရက်နေ့ နံနက် ၁၁ နာရီက စီးပွားရေး သမား ၂၆ဦး၊ တခြား ရိုးရိုး အလုပ်သမား ၁၈ ဦး စုစုပေါင်း ၄၄ ဦးကို တရားဝင် မြန်မာသို့ ပို့ပေးလိုက်ပါတယ်။ နောက်ထပ် စီးပွားရေးသမား ၂၂၇ ဦးကိုလည်း ပြန်ပို့ပေးဖို့ရှိနေတယ်” ဟု သူက ပြောသည်။

အဆိုပါ စီးပွားရေး သမားများမှာ ရခိုင်ပြည်တွင် ဆူပူအကြမ်းဖက်မှု မဖြစ်ခင်ကတည်းက ဘင်္ဂလားဒေ့ခ်ျနိုင်ငံ တက်ကနက် ဆိပ်ကမ်းသို့ ရောက်ရှိသူများဖြစ်ကြောင်း၊ ရခိုင်တွင် ပဋိပက္ခ မတည်ငြိမ်မှုကြောင့် အိမ်မပြန်နိုင်ဘဲ သောင်တင်နေကြခြင်း ဖြစ်ကြောင်း၊ ၄င်းတို့ကို ယခုအခါ မြန်မာအစိုးရနှင့် ညိုနှိုင်းပြီး ဘင်္ဂလားဒေ့ခ်ျ လူဝင်မှုကြီးကြပ်ရေး ဌာနမှ စိစစ်ပြီး ပြန်ပို့နေခြင်း ဖြစ် ကြောင်း သူက ပြောကြားသည်။

ရခိုင် ဆူပူမှုကြောင့် ဘင်္ဂလားဒေ့ခ်ျနိုင်ငံမှ စီးပွားရေးသမား ၁၀၀ ကျော် မြန်မာဘက်တွင် ပိတ်မိနေခဲ့ပြီး ယခုအခါ အများစု ပြန်လာကြပြီ ဖြစ်သော်လည်း နောက်ထပ်  ၄ဦးမှာ ဘင်္ဂလားဒေ့ခ်ျနိုင်ငံသို့ တရားဝင် ၀င်ရောက် လာခြင်းမရှိသေးကြောင်း သိရသည်။ သို့သော်လည်း တခြားလမ်း တခုခုမှ ၀င်ရောက်လာနိုင်ကြောင်း ၄င်းပုဂ္ဂိုလ် ကဆိုသည်။

ယခုအခါ မြန်မာနိုင်ငံ အနောက်ဘက် ရခိုင်ပြည်နယ်တွင် ငြိမ်သက်မှုမရှိသေး သည့်အတွက် နယ်စပ် ကုန်သွယ်ရေးမှာ ယခုအချိန်ထိ ရပ်တန့်နေပြီး ဘင်္ဂလားဒေ့ခ်ျ- မြန်မာ နယ်စပ် စီးပွား ရေးကို အကြီးအကျယ် ထိခိုက်နေကြောင်း သိရသည်။

ထွန်းထွန်း-နိရဉ္စရာ

လုပ်အားခေါင်း ပုံဖြတ်ခံရတဲ့  မြန်မာအလုပ် သမားများ

အလုပ် သမားများ၏ လုပ်အားခေါင်း ပုံဖြတ်ခံ ရခြင်းမှ အကာအ ကွယ်ပေးနိုင်ရန် ယခုနှစ် အနည်းဆုံး အခကြေးငွေ ဥပဒေ(မူကြမ်း)တွင် ဦးစားပေးအချက်အဖြစ် ထည့်သွင်းသွားမည်ဖြစ်ကြောင်း သိရသည်။

 မြန်မာအလုပ်သမား များအပေါ် လုပ်အားခေါင်းပုံ ဖြတ်နေခြင်းကို လုံးဝအကာအကွယ် ပေးသွားမည်ဖြစ်ကြောင်း အလုပ်သမားဝန်ကြီးဌာန ပြည်ထောင်စုဝန်ကြီး ဦးအောင်ကြည်က ပြောသည်။ ယခုလ ပထမပတ်က ချက်ထရီယံ ဟိုတယ်တွင် ပြုလုပ်သည့် CMP လုပ်ငန်းများ ဖွံ့ဖြိုးတိုးတက်ရေး စုပေါင်းအစည်းအဝေး၌ အထက်ပါအတိုင်း ပြည်ထောင်စုဝန်ကြီး ဦးအောင်ကြည်က ပြောကြားခြင်းဖြစ်သည်။

 “နိုင်ငံတကာနဲ့ညီတဲ့ အနည်းဆုံး အခကြေးငွေ ဖြစ်လာအောင် ဖန်တီးပေးမယ်။ လုပ်အားခေါင်းပုံဖြတ်တဲ့ကိစ္စကို လုံးဝအကာအကွယ် ပေးရမယ်” ဟု ပြည်ထောင်စုဝန်ကြီးက ပြောသည်။ “အလုပ်သမားတွေအပေါ်မှာ အလုပ်ရှင်ရဲ့ အဓမ္မလုပ်အား ညှစ်ထုတ်ခိုင်းစေမှုတွေ ရှိနေပါတယ်။ လုပ်အားနဲ့ လုပ်ခမျှတဖို့ လိုပါတယ်။ အခြေခံလစာ တိတိကျကျ သတ်မှတ်ပေးရပါမယ်။ မုန့်ဖိုးတို့၊ ဆုကြေးဆိုတာ အလုပ်သမားကို သက်သက် ကြိုးရှည်ရှည်နဲ့ လှန်ထားသလိုပါပဲ” ဟု ဆောက်လုပ်ရေး အခြေခံအလုပ်သမားသမဂ္ဂမှ ဦးကိုဆိုင်းက ပြောသည်။ ယခုအခါ မေလကုန်အထိ လုပ်ခလစာတိုးမြှင့်ရန် တောင်းဆိုမှုဖြစ်ပွားသည့် စက်ရုံပေါင်း ၅၇ ရုံရှိကာ ယင်းမှ အလုပ်သမား ကျား၊ မပေါင်း ၃၆၈၁၀ ရှိနေကြောင်း သိရသည်။

 “အလုပ်ရှင်နဲ့ အလုပ်သမားဟာ မိတ်ဖက်အကျိုးတူ စီးပွားဖက်တွေအဖြစ် စဉ်းစားကြပါ။ ဆက်ဆံကြပါ။ နောက်တစ်ခုက ရှင်းရှင်းလင်းလင်းဖြစ်တဲ့ လစာ တွက်ချက် သတ်မှတ်မှုမျိုး ဖြစ်သင့်ပါတယ်” ဟု ၈၈ မျိုးဆက်ကျောင်းသား ခေါင်းဆောင် ဦးကိုကိုကြီးက ပြောသည်။ ယင်းအပြင် အလုပ်သမားများ၏ အဆင့်အတန်းကို လက်ခံနိုင်ဖွယ်အဆင့်အထိ ရောက်ရှိရန် မြှင့်တင်ပေးသွားမည် ဖြစ်ကြောင်း ဝန်ကြီး၏ ပြောကြားချက်အရ သိရသည်ဟု ၂၀၁၂ ခုနှစ် ဇွန်လ ၂၆ ရက်နေ့ထုတ် Flower News ဂျာနယ်တွင် ဖော်ပြထားပါသည်။

ထိုင်းနိုင်ငံ Trangခရိုင် အတွင်း ဘင်္ဂါလီ ရိုဟင်ဂျာ များလှေဖြင့် ခိုးဝင်လာနေမှု များကြောင့် လုံခြုံရေး အရေးပေါ် အခြေအနေ တပ်လှန့်ထား ပါသည်။


ထိုင်းနိုင်ငံအတွင်းသို့ ဘင်္ဂါလီရိုဟင်ဂျာများ လှေဖြင့် အက်ဒမန်ပင်လယ်ကို ဖြတ်ကျော်ပြီး ခိုးဝင်လာမှုများရှိနေသောကြောင့် ပင်လယ်ပြင်နှင့် ကျွန်းစုများတဝိုက်တွင် လုံခြုံရေးများတိုးမြင့်ချထားရပြီး လှုံခြုံရေး မော်တော်ဘုတ်များနှင့် အဆက်မပြတ် ကင်းလှည့်စောင့်ကြပ်ိနေရကြောင်း Kantangမြို့တွင် Trang ခရိုင်အရာရှိတဦးက ထုတ်ဖေါ်ပြောကြားခဲ့သည်။


ရခိုင်ပြည်နယ်တွင်း ပဋိပက္ခများဖြစ်ပွားမှုအပြီး ဘင်္ဂါလီရိုဟင်ဂျာ ၅၀၀ကျော် ထိုင်းနိုင်ငံအတွင်းသို့ လှေများဖြင့်ခိုးဝင်လာမှုများရှိခဲ့ကြောင်း ပြောဆိုခဲ့သည်။


လှေများဖြင့်ခိုးဝင်လာသောရိုဟင်ဂျာများကို ထိုင်းနိုင်ငံအတွင်းဝင်ခွင့်မပေးဘဲ ပင်လယ်ပြင်သို့ပြန်လည်နှင်ထုတ်ခဲ့ကြောင်း Bernamaသတင်းဝက်ဆိုဒ်တွင်ရေးသားထားသည်။

ဓာတ်ပုံ ASSOCIATED PRESS

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်ဟာ ဥရောပ ခရီးစဉ်၊ ရောက်ရှိနေ စဉ်အတွင်း စနေ တနင်္ဂနွေ အားလပ်ရက်တွေမှာ မိသားစုနဲ့ သီးသန့် တွေ့ဆုံ ခဲ့ပါတယ်။ ဒီနေ့ တနင်္လာနေ့မှာတော့ လန်ဒန်မြို့မှာ ဗြိတိန် ၀န်ကြီးချုပ်ဟောင်း Gordon Brown နဲ့ တွေ့ဆုံပြီး၊ နောက်ပိုင်းမှာ British Council ရုံးကို သွားရောက်ဖို့ ရှိပါတယ်။

မနက်ဖြန် အင်္ဂါနေ့မှာတော့ ပြင်သစ် နိုင်ငံကို သွားရောက်မှာ ဖြစ်တယ်လို့ ခရီးစဉ်မှာ အတူ လိုက်ပါသွားတဲ့ ဦးခွန်သာမြင့်က ဗွီအိုအေ ကို ပြောပါတယ်။

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဥရောပ ခရီးစဉ်အပြီးသတ်ပြီးရင်တော့ ဇွန်လ ၂၉ ရက်နေ့မှာ မြန်မာနိုင်ငံကို ပြန်လာမှာ ဖြစ်ပါတယ်။ ဒေါ်အောင်ဆန်းစုကြည်ဟာ မြန်မာနိုင်ငံ နေပြည်တော်မြို့မှာ ဇူလိုင်လ ၄ ရက်နေ့မှာ ပြန်စမယ့် ပြည်သူ့လွှတ်တော် အစည်းအဝေးကို တက်ရောက် လိမ့်မယ်လို့လည်း ခန့်မှန်းရပါတယ်။

ဒီသီတင်းပတ်မှာပဲ မြန်မာနိုင်ငံက ဒေါ်အောင်ဆန်းစုကြည် နေထိုင်နေတဲ့ ဗဟန်းမြို့နယ် တက္ကသိုလ်ရိပ်သာ လမ်းအမှတ် (၅၄) နေအိမ် ခြံဝန်းကို အစ်ကိုဖြစ်သူ ဦးအောင်ဆန်းဦးနဲ့ တ၀က်စီခွဲဝေယူဖို့ အနောက်ပိုင်း ခရိုင်တရားရုံးက အမိန့်ချမှတ် လိုက်တယ်လို့ ပြည်တွင်းအပတ်စဉ် သတင်းဂျာနယ် တချို့က ဖော်ပြကြပါတယ်။

By ဗွီအိုအေ (မြန်မာဌာန)

AFP

ရန်ကုန်မြို့ အမှတ် ၅၄၊ တက္ကသိုလ်ရိပ် သာလမ်းရှိ ဒေါ်အောင်ဆန်း စုကြည်၏ နေအိမ် ဖြစ်ပါသည်။

တရားရုံးရဲ့ အမွေ ပိုင်ဆိုင်မှု ဆုံးဖြတ် ချက်အပေါ် ဒေါ်အောင်ဆန်း စုကြည် အနေနဲ့ အယူခံဝင် မယ်လို့ ရှေ့နေ ဦးဥာဏ်ဝင်းက RFA ကို ဒီကနေ့ ပြောဆိုပါတယ်။
 မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ရင်ဆိုင်နေရတဲ့ အမွေဆိုင် အမှုကို ဇွန်လ ၂၂ ရက်နေ့က ရန်ကုန် အနောက်ပိုင်း ခရိုင် တရားရုံးကနေ အမိန့်ချမှတ်ခဲ့တာပါ။

အစ်ကိုဖြစ်သူ အမေရိကန် နိုင်ငံသား ဦးအောင်ဆန်းဦးက တရားစွဲဆိုထားတဲ့ အမွေဆိုင် ကိစ္စမှာ သားသမီး နှစ်ဦးလုံး ဖြစ်နေတာကြောင့် အမွေတွေကို အညီအမျှ တ၀က်စီ ခွဲဝေယူဖို့ တရားရုံးရဲ့ ဆုံးဖြတ်ချက်မှာ ဥပဒေကြောင်းအရ လွဲချော်မှုတွေ ရှိနေတာကြောင့် အယူခံဝင်မှာ ဖြစ်တယ်လို့ ဒေါ်အောင်ဆန်းစုကြည်ရဲ့ ရှေ့နေ ဦးဥာဏ်ဝင်းက ပြောပါတယ်။

ရွှေ့ပြောင်း နိုင်တဲ့ အမွေပစ္စည်းတွေကို မြန်မာဓလေ့ ထုံးတမ်းအရ အညီအမျှ ခွဲဝေလို့ ရပေမယ့်  ၁၉၅၃ ခုနှစ်က ပြဌာန်းထားတဲ့ ဥပဒေအရ မရွှေ့မပြောင်းနိုင်တဲ့ ပစ္စည်းတွေကို နိုင်ငံခြားသား အနေနဲ့ ပိုင်ဆိုင် တောင်းဆိုခွင့် မရှိဘူးလို့  ဦးဥာဏ်ဝင်းက ဆိုပါတယ်။

ဖခင်ဖြစ်သူ မြန်မာ့လွတ်လပ်ရေး ခေါင်းဆောင် ဗိုလ်ချုပ်အောင်ဆန်းနဲ့ မိခင် ဒေါ်ခင်ကြည်တို့ ပိုင်ဆိုင်တဲ့ တက္ကသိုလ်ရိပ်သာလမ်း နေအိမ်မှာ လက်ရှိ နေထိုင်နေတဲ့ ညီမဖြစ်သူ ဒေါ်အောင်ဆန်းစုကြည်ကို အစ်ကိုဖြစ်သူ ဦးအောင်ဆန်းဦးက သူ့အနေနဲ့ တ၀က် ပိုင်ဆိုင်တယ် ဆိုပြီး နှစ်အတန်ကြာကတည်းက တရားစွဲဆိုထားတာ ဖြစ်ပါတယ်။

စစ်တွေမြို့က ဒုက္ခသည်များ

စစ်တွေမြို့က ဒုက္ခသည်များမြန်မာ နိုင်ငံက ရခိုင်ပြည်နယ် ရဲ့ မြို့တော် စစ်တွေမြို့ နဲ့ အနီးတဝိုက်မှာ ဗုဒ္ဓဘာသာ ဝင်တွေနဲ့ မွတ်စလင် တွေအကြား တိုက်ခိုက်မှု တွေဆက်ဖြစ် နေတယ်လို့ အဲဒီဘက်က လာတဲ့ သတင်းတွေ အရ သိရပါတယ်။

အဲဒီက လူမှု ကူညီရေး လုပ်သားတယောက် က စစ်တွေမြို့မှာ ဈေးတွေနဲ့ ဆိုင်တွေ ပိတ်ထားပြီး အခြေအနေဟာ တင်းမာ နေဆဲ ဖြစ်တယ်လို့ ဘီဘီစီကို ပြောပါတယ်။

မြန်မာ အစိုးရ အရာရှိ တဉီးကတော့ နောက်ထပ် ဖြစ်လာနိုင်တဲ့ တိုက်ခိုက်မှု တွေရဲ့ အန္တာရာယ်ကြောင့် မွတ်စလင် ၆၀၀ လောက်ကို စစ်တွေ မြို့ထဲကနေ ပြောင်းရွေ့ နေရာချထား ပေးထားတဲ့ အကြောင်း ပြောပါတယ်။

ရခိုင်ပြည်နယ် အတွင်းမှာ ဖြစ်ခဲ့တဲ့ တိုက်ခိုက်မှု တွေကြောင့် လူပေါင်း ၆၀ ကျော်လောက် သေဆုံး ခဲ့ရပြီး ထောင်ပေါင်းများစွာ အိုးအိမ်တွေကို စွန့်ခွာ ထွက်ပြေးခဲ့ ရပါတယ်။

ဘီဘီစီ မြန်မာပိုင်း