"/>
Myanmar Kyat Converter
Yangon (Rangoon) Time
၂၀၁၂ ရဲ့ ဂိုးသွင်းအများ ဆုံးစံချိန်တင်သွားတဲ့ ပရီးမီးယားလိဂ်ပွဲ
ချယ်လ်ဆီး ၈ – ၀ အက်စတွန်ဗီလာ
တောရက်စ် ဂိုးသွင်းယူဖို့ ကြိုးစားနေစဉ် (ဓာတ်ပုံ – Reuters)
ပြီးခဲ့တဲ့တပတ်က ကမ္ဘာ့ကလပ်များဖလား ချန်ပီယံလုပွဲ ဖိုင်နယ်ပွဲစဉ်မှာ
ရှုံးနိမ့်လာခဲ့တဲ့ ချယ်လ်ဆီးအသင်းဟာ ကာလင်းဖလားမှာ လိဒ်ယူနိုက်တက်ကို
ဂိုးပြတ်အနိုင်ရရှိအပြီး ပရီးမီးယားလိဂ် ရက်သတ္တပတ် (၁၈) မှာတော့ ၂၀၁၂
အတွင်း ဂိုးသွင်းအများဆုံးအဖြစ် ချယ်လ်ဆီးအသင်းက အက်စတွန်ဗီလာအသင်းအား ၈
ဂိုးပြတ်နဲ့ အိမ်ကွင်းမှာ အနိုင်ရရှိသွားခဲ့ပါတယ်။
အက်စတွန်ဗီလာ အသင်းအတွက်တော့ ပြီးခဲ့တဲ့တပတ်တုန်းက လစ်ဗာပူးအသင်းကို
အနိုင်ရရှိခဲ့အပြီး ချိုမြိန်မှုဟာ ခရစ္စမတ်မှာ ပျက်ပြယ်သွားခဲ့ရပါတယ်။
ဒါပေမယ့် အက်စတွန်ဗီလာအသင်းရဲ့ လူငယ်ကစားသမားတွေဟာ အကောင်းဆုံး
ကြိုးစားခဲ့ပြီး အားမတန်၍သာ မာန်လျှော့ခဲ့ရတယ်လို့ ဆိုရလောက်အောင်
ချယ်လ်ဆီးအသင်းရဲ့ နည်းပြ ဘန်နီတက်စ်ရဲ့ ဗျုဟာအောက်မှာ ဂိုးတွေအများကြီး
ပေးခဲ့ရပါတယ်။
ချယ်လ်ဆီးအသင်းမှာ ဖရန့်လမ်းပတ် ဒဏ်ရာကနေ ပြန်လည် သက်သာလာတာကြောင့်
အောက်တိုဘာ နောက်ပိုင်း ပထမဦးဆုံးအကြိမ် ပရီးမီးယားလိဂ်မှာ ပြန်လည်
ကစားတာဖြစ်သလို သူ့ရဲ့ပရီးမီးယားလိဂ် ၅၀၀ မြောက် ပွဲစဉ်လည်း ဖြစ်ခဲ့ပါတယ်။
ချယ်လ်ဆီးအသင်းဟာ ဖာနန်ဒိုတောရက်စ်ရဲ့ ဂိုးနဲ့ ပထမပိုင်းပွဲအစ ၃
မိနစ်မှာတင် ဂိုးရရှိခဲ့ပြီး လူးဝစ်ရဲ့ ၂၉ မိနစ် ဖရီးကစ် ဂိုး၊
အီဗာနိုဗစ်ရဲ့ ၃၄ မိနစ်မှာ သွင်းယူသွားတဲ့ ဂိုးတွေနဲ့ သက်သောင့်သက်သာ
ဦးဆောင်နိုင်ခဲ့တာ ဖြစ်ပါတယ်။ ဒုတိယပိုင်းမှာတော့ လမ်းပတ်၊ ရာမီရက်စ်၊
အော်စကာ၊ ဟာဇက်တို့ရဲ့ ဂိုးတွေနဲ့ ချယ်လ်ဆီးအသင်းဟာ ၈ ဂိုးပြတ်
အနိုင်ရရှိခဲ့ပါတယ်။
အက်စတွန်ဗီလာ အသင်းအတွက်တော့ ယခုရှုံးပွဲဟာ သမိုင်းတလျှောက် အဆိုးရွား
ဆုံးရှုံးနိမ့်မှု ဖြစ်ခဲ့ပြီး ၁၉၅၀ ပြည့်နှစ် နောက်ပိုင်း အဆိုးရွားဆုံး
ရှုံးနိမ့်မှု ဖြစ်ခဲ့ပါတယ်။ ချယ်လ်ဆီးနည်းပြ ဘန်နီတက်စ်က အက်စတွန်ဗီလာနည်းပြ
ပေါလ် လန်းဘတ်ကို စာနာကြောင်း၊ အရည်အသွေးရှိတဲ့ လူငယ်ကစားသမားကို
ဖော်ထုတ်ပေးနေတဲ့ နည်းပြကောင်းအဖြစ် ချီးကျူးပြောဆိုသွားခဲ့ပါတယ်။
0 comments:
Post a Comment