"/>
Myanmar Kyat Converter
Yangon (Rangoon) Time
ထွန်းထွန်း
ရခိုင်ပြည်နယ်တွင် ယခုရက်ပိုင်အတွင်း မြို့နယ်အသီးသီး၌ OIC ရုံး
မဖွင့်လှစ်ရေးနှင့် ပတ်သက်ပြီး ကန့်ကွက် ဆန္ဒပြမှုများ ပေါ်ပေါက်နေရာ
အောက်တိုဘာ ၂၁ရက်နေ့က သံတွဲမြို့၌ လူပေါင်းသောင်းချီ၍ ဆန္ဒထုတ်ဖေါ်ခဲ့
ကြသည်ဟု သတင်းရရှိသည်။
သံတွဲတွင် အိုအိုင်စီရုံးကို မလိုကြောင်း ဆန္ဒပြနေကြစဉ်။
သံတွဲမြို့၌ ဆန္ဒထုတ်ဖေါ်ရာတွင် ရဟန်းတော်များနှင့် ပြည်သူ စုစုပေါင်း
တစ်သောင်းကျော်ခန့် ပူးပေါင်း ဆင်နွဲခဲ့ကြသည်ဟု မြို့ခံ တစ်ဦးဖြစ်သူ
ကိုထွန်းဖေက နိရဉ္စရာသို့ ပြောသည်။
“ဒီနေ့ဆန္ဒပြတဲ့ အထဲမှာ လူပေါင်းသောင်းချီ ပါဝင်ကြပါတယ်။ နေ့လည် ၁နာရီကနေ
မွန်းလွဲ ၂နာရီအထိ ပြုလုပ်ခဲ့ကြပါတယ်။ ပထမဆုံး သံတွဲမြို့ရဲ့
အောင်မြေသာစည် ဘုန်းကြီးကျောင်းဘက်ကနေ စထွက်ပါတယ်။ အဲဒီ ကတဆင့်
အုပ်ချုပ်ရေးမှူးရုံး၊ ပြီးရင် ဗိုလ်ချုပ်လမ်းကနေ ကွေ့ပြီး အဏ္ဍ၀ါလမ်း၊
ဒီကတဆင့် ဦးဥတ္တမ လမ်းကနေ အောင်မြေ သာစည်မှာ အဆုံးသတ်ခဲ့ ကြပါတယ်”
ဟုပြောသည်။
ဆန္ဒထုတ်ဖေါ်မှုနှင့် ပတ်သက်ပြီး ယခုလို သူက ဆက်ပြောသည်။
“အဓိကတော့ ရခိုင်ပြည်နယ် အတွင်းမှာ OIC ရုံး မဖွင့်ဖို့ကို မြန်မာ
တိုင်းရင်းသားတွေနဲ့ရော ရခိုင်ပြည်သူတွေ နဲ့ပါ သဘောထား အတူတူရှိတယ်
ဆိုတာကို သံတွဲမြို့ခံတွေက နိုင်ငံတကာနဲ့ မြန်မာ နိုင်ငံတော်အစိုးရကို သိ
အောင် ဒီကနေ့မှာ ထုတ်ဖေါ် ပြသ ကြတာဖြစ်ပါတယ်” ဟုပြောသည်။
ဆန္ဒထုတ်ဖေါ်သူများမှာ OIC စီကိုကန့်ကွက်သည့် စာတမ်းများ ရေးထိုးထားသော
တီရှပ်အင်္ကျီများကို ဆင်တူ ၀တ်ဆင်ပြီး OIC အလိုမရှိ၊ OIC ရုံးကို
ဖျက်သိမ်းပေး၊ သမ္မတကြီးအား ထောက်ခံပါသည် စသည့် တောင်းဆို ချက်များကို
ဆိုင်းဘုတ်များတွင် ရေးသားကာ ကိုင်ဆောင်ပြီး ချီတက်လမ်းလျှောက်
ဆန္ဒပြခဲ့ကြသည်။
ဆန္ဒပြချီတက် လမ်းလျှောက်ရာတွင် အနှောင့်အယှက် တစ်စုံတစ်ရာ မရှိသော်လည်း လုံခြုံရေး တပ်ဖွဲ့များ အများအပြား ချထားခဲ့သည်ဟု ဆိုသည်။
ယခုလ အတွင်း OIC ရုံးမဖွင့်လှစ်ရန် အတွက် ကန့်ကွက် ဆန္ဒြ့ပပွဲများကို
သက်ဆိုင်ရာမှ ခွင့်ပြုချက်ဖြင့် ရခိုင်ပြည်နယ် မြို့နယ်အများအပြားတွင်
ပြုလုပ်ခဲ့ကြသည်။
0 comments:
Post a Comment